Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » நட்சத்திரங்களின் பேட்டி »

‛ராஜா இசையில் பாடல் எழுதணும் : குட்டிப் பட்டாசு ராசாவின் ஆசை

01 ஆக, 2021 - 12:52 IST
எழுத்தின் அளவு:
kutty-pattas-fame-lyricist-Rasu-interview

கேரளாவில் உருவாக்கப்பட்ட ஜிமிக்கிக்கம்மல் பாடல், தமிழகத்தில் தனுஷ் - சாய்பல்லவி நடித்த மாரி 2 திரைப்பட ரவுடிபேபி பாடல் ரசிகர்களின் மனதில் நங்கூரமிட்டதுடன் இன்றும் கொண்டாடப்படுகிறது. இந்த பாடல் வரிசையில் தற்போது இணைய வெளி தமிழ் ரசிகர்களை தாண்டி, தெலுங்கு, மலையாளம், கன்னட ரசிகர்களின் கவனத்தையும் ஈர்த்து யூடியூப் சேனலில் கலக்குகிறது ஒரு பாடல்.

சோனி மியூசிக் தயாரிப்பில் சந்தோஷ் தயாநிதி இசையில், இதழியலாளர், பாடலாசிரியர் என பல தளங்களில் இயங்கிவரும் இளம் தலைமுறை கவிஞர் அ.ப.ராசாவின் வரிகளில் உருவான அந்த குட்டிப் பட்டாசு பாடலை 10 கோடி பார்வையாளர்கள் பார்த்து கொண்டாடி வருகின்றனர். இந்த பாடலை இளசுகள் டான்ஸ் ஆடி வீடியோ எடுத்து, இணையத்தில் அப்-டேட் செய்கின்றனர். சீன நகைச்சுவை தொடரான சிஞ்சான் தொடரை இந்த பாடலை வைத்து, காட்சிப்படுத்தி குழந்தைகளும் கொண்டாடித் தீர்க்கின்றனர். பலரின் அலைபேசி ரிங் டோன்னாகவே ரீங்காரமிடுகிறது குட்டிப் பட்டாசு பாடல்.

தினமலர் சண்டே ஸ்பெஷல் பகுதிக்காக பாடலாசிரியர் அ.ப.ராசாவின் பேட்டி...

உங்களை குறித்து...
தேனி மாவட்டம் பெரியகுளம் தென்கரை எனது சொந்த ஊர். தந்தை பரமசிவம் கட்டட ஒப்பந்ததாரர், தாய் செல்வராணி. சென்னை பல்கலையில் எம்.ஏ., இதழியல் படித்தேன். படிக்கும் போது விஜயசுதாவுடன் காதல் ஏற்பட்டு, மண வாழ்க்கையில் இணைந்தோம். மகன் மகரந்தன், மகள் மகிழினி நறுமுகையுடன் சென்னை திருமுல்லைவாயிலில் வசிக்கிறோம்.

பாடலாசிரியரான வாய்ப்புக்கள் குறித்து
பள்ளி, கல்லுாரி காலங்களில் கவிதை, பாடல்கள் மீது பிரியம் உண்டு. 2007ல் சென்னை பல்கலையில் முதுகலை, முடித்ததும் தினமலர் நாளிதழ் நிருபராக சென்னை, டில்லியில் பணியாற்றினேன். 2012ல் திருமணத்திற்கு பின் ரேடியோ மிர்சி சேனலுக்கு புரமோஷன் பாடல் எழுதிக் கொடுத்தேன். பின் 30க்கும் மேற்பட்ட விளம்பரங்களுக்கு எழுதியுள்ளேன். முதல் முறையாக பற்ற வைத்த நெருப்பு என்ற திரைப்படத்திற்கு பாடல் எழுதினேன். தொடர்ந்து 5 திரைப்படங்களுக்கு எழுதியுள்ளேன். அந்தந்த திரைப்பட தயாரிப்பாளர்கள் விரைவில் அறிவிப்பார்கள்.

குட்டிப் பட்டாசு பாடல் வாய்ப்பு...
யூ-டியூப் சேனல் ஒன்றில் தலைமை நிகழ்ச்சி தயாரிப்பாளராக உள்ளேன். தேர்தல் நேரத்தில் சோனி யூ-டியூப் சேனல் நிர்வாகத்தில் இருந்து குட்டிப் பட்டாசு பாடல் எழுதும் வாய்ப்பு கிடைத்தது.

தமிழ் வார்த்தைகளை, உவமைகளை கையாண்டு அசத்தியுள்ளீர்களே
மரபு இலக்கணத்தில் நேர் நேர் தேமா, நிரை நேர் புளிமா என்ற விதிகள்தான் எனக்கு உவமைகளை கையாள கைகொடுக்கின்றன. எழுத்தாளர் கல்யாண்ஜி கவிதை படைப்புக்களை வாசித்ததும் கைகொடுத்தன. உடுமலை நாராயணகவி முதல் தற்போதைய விவேக் பாடல்கள் வரை பரிச்சயம் உண்டு. குட்டிப் பட்டாசு பாடலில் பல்லவி 9வது வரியில் மணக்கும் அஞ்சடி பர்பியூம் என்ற ஆங்கில வார்த்தை மட்டுமே கையாளப்பட்டுள்ளது. மற்ற அனைத்து வரிகளும் தமிழ் வார்த்தைகள். சங்க இலக்கியம் முதல் நவீன இலக்கியம் வரை நான் தீவிர வாசகன். இதனால் எந்த மாதிரியான காட்சிகளுக்கும், கதாபாத்திரங்களின் இணைப்பிற்கும் என்னால் துாய தமிழில் சந்தங்களாக, உவமைகளாக எழுத முடியும்.

குட்டிப் பட்டாசுக்கு பின் வாய்ப்புக்கள்...
நிறைய வந்துள்ளன. சினிமா பாடல்களும், தனி ஆல்பங்களும் அதில் அடங்கும். வரும் நாட்களில் வெளிவரும். எனது மண்ணின் மைந்தர் இளையராஜா இசையில் பாடல் எழுத வேண்டும். தேன் கலந்த தீஞ்சுவை குரல்களுக்கு சொந்தக்காரர்களான பாடகர்கள் பிரதீப், ஸ்ரேயா கோஷல் குரல்களில் என் பாடல்கள் ஒலிக்க வேண்டும் என்பது ஆசை.

Advertisement
கருத்துகள் (0) கருத்தைப் பதிவு செய்ய
‛வரலாறு' பார்த்து வந்த ‛பழசிராஜா' - மனம் திறக்கும் நடிகை கனிகா‛வரலாறு' பார்த்து வந்த ‛பழசிராஜா' - ... போலீசாக நடிப்பதில் செம கெத்து: ஐஸ்வர்யா  ராஜேஷ் குஷி போலீசாக நடிப்பதில் செம கெத்து: ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Rajavamsam
    • ராஜவம்சம்
    • நடிகர் : சசிகுமார்
    • நடிகை : நிக்கி கல்ராணி
    • இயக்குனர் :கதிர்வேலு
    Tamil New Film
    • நடிகர் : சமுத்திரக்கனி
    • நடிகை : ஆத்மியா
    • இயக்குனர் :சுப்பிரமணிய சிவா
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Pizhai
    • பிழை
    • இயக்குனர் :ராஜவேல் கிருஷ்ணா
    dinamalar-advertisement-tariff-2018

    Tweets @dinamalarcinema

    Advertisement
    Copyright © 2021 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in