டிரைலர் போட்டி - பூமியைத் தாண்டும் மாறா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

டிரைலர் போட்டி - 'பூமி'யைத் தாண்டும் 'மாறா'

02 ஜன, 2021 - 05:12 IST

எழுத்தின் அளவு:

பொங்கல் பண்டிகையை முன்னிட்டு, தியேட்டர்களில் பெரிய வெளியீடாக விஜய், விஜய்சேதுபதி நடித்துள்ள 'மாஸ்டர்', சிம்பு நடித்துள்ள 'ஈஸ்வரன்' ஆகிய படங்கள் வெளிவர உள்ளன.

தியேட்டர்களைப் போலவே ஓடிடி தளங்களிலும் பொங்கல் வெளியீடாக புதிய படங்கள் வெளியாக இருக்கின்றன. ஜெயம் ரவி நடித்துள்ள 'பூமி', மாதவன் நடித்துள்ள 'மாறா' ஆகிய படங்கள் வெவ்வேறு ஓடிடி தளங்களில் வெளியாகின்றன.

அமேசான் ஓடிடி தளங்களில் வெளியாகும் படங்களின் டிரைலர்கள் அந்தப் படங்களின் நடிகர்கள், நடிகைகளின் முந்தைய பட சாதனைகளை முறியடித்து வருகின்றன. 'பொன்மகள் வந்தாள், பெண்குயின், சூரரைப் போற்று' ஆகிய படங்களின் டிரைலர்கள் அதற்கு உதாரணங்கள். இப்போது அந்த வரிசையில் 'மாறா' படமும் இடம் பிடித்துள்ளது. இந்த டிரைலர் யு டியுபில் ஒன்றரை கோடி பார்வைகளைக் கடந்து ஆச்சரியப்படுத்தி உள்ளது.

அதே சமயம், ஹாட்ஸ்டார் தளத்தில் வெளியாக உள்ள 'பூமி' படத்தின் டிரைலர் 'மாறா' டிரைலரின் பார்வையில் பாதியான 70 லட்சம் பார்வைகளை மட்டுமே கடந்துள்ளது. 'பூமி' டிரைலரின் பார்வையை இரு மடங்காக 'மாறா' முறியடித்துள்ளது.

யு டியூபில் டிரைலர்களில் அதிக பார்வைகளைப் பெற 'என்னவெல்லாம்' செய்ய வேண்டுமோ அதை அனைவரும் செய்கிறார்கள் என டிஜிட்டல் வட்டாரங்களில் தெரிவிக்கிறார்கள்.

தாங்கள் வெளியிடும் படங்களை எவ்வளவு பேர் பார்க்கிறார்கள் என்பதை இந்த ஓடிடி நிறுவனங்கள் வெளியிட மறுப்பதன் ரகசியம் இப்போது புரிகிறதா ?.

Maara

Bhoomi

கருத்துகள் (0) கருத்தைப் பதிவு செய்ய

புத்தாண்டில் காசி சென்று வழிபட்ட ...

தியேட்டர்கள் 100 சதவீத அனுமதி : ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய