Dinamalar

சக்சஸ் மீட் நிகழ்ச்சி : கோபத்தில் வெளியேறிய ஹீரோ

தெலுங்கில் கடந்த வெள்ளி அன்று ரங்கபாலி என்கிற திரைப்படம் வெளியானது. இந்த படத்தில் கதாநாயகனாக நாக சவுர்யா நடித்தார். இவர் தமிழில் இயக்குனர் விஜய் இயக்கத்தில் வெளியான தியா என்ற படத்தில் சாய் பல்லவிக்கு ஜோடியாக நடித்தவர். கடந்த சில வருடங்களாகவே சொல்லிக் கொள்ளும்படியான வெற்றிப் படங்கள் எதுவும் இவருக்கு அமையாத நிலையில் இந்த ரங்கபாலி திரைப்படம் பாக்ஸ் ஆபீசில் ராசி இல்லாதவர்கள் பட்டியலில் இருந்து தனது பெயரை நீக்கும் என திடமாக நம்பினார். ரிலீசுக்கு முன்பு புரமோஷன் நிகழ்ச்சிகளில் கூட உறுதியாக அதை கூறி வந்தார் நாக சவுர்யா..

இந்த நிலையில் படம் வெளியான நாளிலிருந்து ரசிகர்களிடம் வரவேற்பை பெற தவறியதுடன் எதிர்மறை விமர்சனங்களையும் பெற்றது. ஆனாலும் படக்குழுவினர் இந்த படம் வெற்றி என்று சக்சஸ் மீட்டை நடத்தினார்கள். அந்த நிகழ்வின்போது பத்திரிக்கையாளர் ஒருவர் நாக சவுர்யாவிடம், படத்தில் அவரது கதாபாத்திரம் குறித்து ஒரு கேள்வியை கேட்டு விளக்கம் பெற முயற்சித்தார். அப்போது ஹீரோவுக்கு பதிலாக படத்தின் இயக்குனர் பவன் பசம் ஷெட்டி விளக்கம் கொடுக்க முயன்றார்.

ஆனாலும் திருப்தி அடையாத அந்த பத்திரிக்கையாளர் நாக சவுர்யாவிடம் மீண்டும் அதே கேள்வியை கேட்க, கோபத்தை அடக்கியபடி அதற்கு பதில் சொன்ன நாக சவுர்யா, அடுத்த கேள்வியை கேட்க ஆரம்பிப்பதற்கு உள்ளாகவே படக்கென கும்பிடு போட்டுவிட்டு எழுந்து வெளியேறினார். இவரது இந்த செயல் பத்திரிக்கையாளர்கள் மற்றும் படக்குழுவினரிடம் மிகப்பெரிய அதிர்ச்சியை ஏற்படுத்தியுள்ளது..

• 
  அமிதாப் பச்சனுக்கு அடுத்து எனக்கு தான் : கங்கனா பெருமிதம்
• 
  ‛டிராவல் ஏஜென்ட்' படத்தை துவக்கி வைத்து ஹீரோவை அறிமுகம் செய்த ...
• 
  சினிமாவிற்கு முழுக்கா... - கங்கனா பதில்
• 
  ‛ஹவுஸ்புல் 5' - மீண்டும் அபிஷேக் பச்சனை அழைத்து வரும் சஜித் நதியத்வாலா
• 
  யுனிசெப் தூதராக கரீனா கபூர் நியமனம்

• 
  மலையாள இயக்குனர் சங்கீத் சிவன் காலமானார்
• 
  தொடரும் 'மலையாளி பிரம் இந்தியா' கதை திருட்டு சர்ச்சை
• 
  நடிகை கனகலதா காலமானார்
• 
  மோகன்லால் இயக்கும் 'பரோஸ்' பட ரிலீஸ் தேதி அறிவிப்பு
• 
  முன் ஜாமீன் பெற்ற மஞ்சும்மேல் பாய்ஸ் தயாரிப்பாளர்கள்