போட்டியைத் தவிர்த்த டாக்டர் - Sivakarthikeyan doctor solo release on october 9

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

போட்டியைத் தவிர்த்த 'டாக்டர்'

19 செப், 2021 - 05:32 IST

எழுத்தின் அளவு:

Sivakarthikeyan-doctor-solo-release-on-october-9

தமிழ் சினிமாவில் பண்டிகை நாட்களில், விடுமுறை நாட்களில் படங்களை வெளியிடத்தான் பலரும் விரும்புவார்கள். கொரானோ இரண்டாவது அலை காரணமாக தியேட்டர்கள் நான்கு மாதங்களுக்கு மேலாக மூடப்பட்டு கடந்த மாதம் திறக்கப்பட்டது. விநாயகர் சதுர்த்தியை முன்னிட்டு வெளிவந்த 'லாபம், தலைவி' இரண்டு படங்களும் ரசிகர்களை ஏமாற்றியது. அடுத்து அக்டோபர் மாதம் ஆயுதபூஜை வர உள்ளது. அப்போது விஷால், ஆர்யா நடித்துள்ள 'எனிமி', ஆர்யா நடித்துள்ள 'அரண்மனை 3' ஆகிய படங்கள் வெளியாகும் என்று அறிவிக்கப்பட்டுள்ளது.

அன்றைய நாளில் மேலும் சில படங்கள் வெளியாகும் என்று எதிர்பார்க்கப்பட்ட நிலையில் சிவகார்த்திகேயன் நடித்துள்ள 'டாக்டர்' படத்தை ஐந்து நாட்கள் முன்னதாக அக்டோபர் 9ம் தேதியே வெளியிடுகிறார்கள். இதன் மூலம் போட்டியைத் தவிர்க்க விரும்பி முன்னதாகவே வருகிறார் டாக்டர்.

மேலும் அக்டோபர் 9ம் தேதி சனிக்கிழமை வருகிறது. பொதுவாக படங்களை வெள்ளிக்கிழமைகளில்தான் வெளியிடுவார்கள். ஆனால், 'டாக்டர்' படத்தை சனிக்கிழமை வெளியிட தயாரிப்பாளர் கோட்டப்பாடி ராஜேஷின் சென்டிமென்ட்தான் காரணமாம். அவருக்கு 8ம் தேதி ஆகாதாம், 9ம் தேதிதான் ராசியாம். அதனால் 9ம் தேதி ரிலீஸ் என்கிறார்கள்.

அடுத்த மாதம் முதல் தியேட்டர்களில் 100 சதவீதம் அனுமதி கிடைக்கும் என்ற நம்பிக்கையில் சில பல பெரிய படங்களை அக்டோபரில் தயாரிப்பாளர்கள் வெளியிடுகிறார்கள்.

Sivakarthikeyan

Doctor

Oct9

Solo Release

கருத்துகள் (0) கருத்தைப் பதிவு செய்ய

கடைசி கட்ட படப்பிடிப்பில் ஆதி புருஷ்

சொந்த மல்டிபிளக்ஸ் தியேட்டர் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய