Dinamalar

இந்தோனேஷிய மொழியில் ரீமேக் ஆகும் த்ரிஷ்யம்

மோகன்லால், மீனா நடித்த த்ரிஷ்யம் படம் மலையாள சினிமாவில் சரித்திரம் படைத்தது. வெள்ளி விழா கொண்டாடிய இந்த படம் ரூ.100 கோடி வசூலித்த முதல் மலையாள படம் என்ற பெருமையை பெற்றது. பேமிலி க்ரைம் த்ரில்லராக உருவாகி இருந்த இந்த படத்தை ஜீத்து ஜோசப் இயக்கி இருந்தார். ஆண்டனி பெரும்பாவூர் தயாரித்திருந்தார். இதன் இரண்டாம் பாகமும் வெளிவந்து பெரிய வெற்றியை பெற்றிருந்தது.

அதற்கு பிறகு இந்த படம் பாபநாசம் என்ற பெயரில் தமிழில் ரீமேக் ஆனது. கமல்ஹாசன், கவுதமி நடித்தனர். அதை தொடர்ந்து தெலுங்கு, கன்னடம், இந்தி மொழிகளில் ரீமேக் ஆனது. இதுதவிர சிங்களம், சீன மொழிகளில் ரீமேக் ஆனது. தற்போது இந்தோனேஷிய மொழியில் ரீமேக் ஆக உள்ளது. இந்தோனேஷிய மொழியில் ரீமேக் ஆகும் முதல் இந்திய படம் என்ற பெருமையை த்ரிஷ்யம் பெற்றுள்ளது. இந்த தகவலை தயாரிப்பாளர் ஆண்டனி பெரும்பாவூர் தனது டுவிட்டரில் தெரிவித்திருக்கிறார்.

மேற்கண்ட மொழிகள் தயாரிப்பாளரிடம் முறையாக அனுமதி பெற்று ரீமேக் செய்யப்பட்டவை. அனுமதி பெறாமலும் பல மொழிகளில் சின்ன சின்ன மாற்றங்களுடன் ரீமேக் செய்யப்பட்டிருக்கிறது. த்ரிஷ்யம் 2 தெலுங்கில் ரீமேக் செய்யப்பட்டு விட்டது. மற்ற மொழிகளில் ரீமேக் செய்ய ஏற்பாடுகள் நடந்து வருகிறது. தமிழில் மீண்டும் கமலே நடிக்கிறார். கவுதமிக்கு பதில் இன்னொரு நடிகையை தேடிக் கொண்டிருக்கிறார்கள்.

• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  பைசன் படத்தின் தணிக்கை சான்று மற்றும் ‛ரன்னிங் டைம்'
• 
  நான் அசாம், தாய்மொழி நேபாளம் : கயாடு லோகர் புது தகவல்
• 
  பாபாஜி குகையில் ரஜினி தியானம், வழிபாடு
• 
  இன்பன் உதயநிதி ஹீரோவாகும் படம் : மாரி செல்வராஜ் இயக்குகிறாரா?
• 
  இந்த வார ஓடிடி ரிலீஸ்...... நீங்கள் எதிர்பார்த்த 'வார்-2' முதல் 'பாம்' ...