சீரியலுக்கு வருகிறார் நமீதா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

சீரியலுக்கு வருகிறார் நமீதா

16 ஆக, 2021 - 02:12 IST

எழுத்தின் அளவு:

நடிகை நமீதாவுக்கு சினிமா வாய்ப்புகள் குறைந்து வெகு காலமாகி விட்டது. தற்போது அவர் பாவ் பாவ் என்ற பெயரில் சொந்த படம் தயாரித்து அதில் நடித்து வருகிறார். இந்த நிலையில் விரைவில் நமீதா சீரியலுக்கு வருகிறார்.

நமீதாவுக்கு சின்னத்திரை புதிதில்லை. மானாட மயிலாட நிகழ்ச்சியில் மார்க் போட்டார். அதன்பிறகு டான்ஸ் ஜோடி டான்சில் நடுவராக இருந்தார். பிக் பாஸ் நிகழ்ச்சியில் பங்கேற்றார். தற்போது சீரியலிலும் நடிக்க இருக்கிறார்.

இதற்கு முன்னோட்டமாக ஜீ தமிழில் ஒளிபரப்பாகும் புதுபுது அர்த்தங்கள் சீரியலில் சிறப்பு தோற்றத்தில் நடித்துள்ளார். தேவ்யானி, அபிஷேக், திண்டுக்கல் லியோனி மற்றும் பலர் நடித்து வரும் சீரியல் இது.

இதில் நமீதா நடிகை நமீதாவாகவே நடித்துள்ளார். காரில் வரும் நமீதா, வழியில் திறந்து கிடக்கும் கழிவுநீர் கால்வாயை பார்க்கிறார். அதை பார்த்துவிட்டு, யாருக்குமே சமூக பொறுப்பு இல்லை. அனைவரும் இதை கடந்து செல்கின்றனர் என்று சொல்லிக் கொண்டே இருக்கிறார். அப்போது தேவயானியின் மருமகள் அதை எடுத்து மூடுகிறார். நடிகை நமீதா அதை பாராட்டுகிறார். இந்த காட்சி சீரியலின் புரமோவில் இடம்பெற்றுள்ளது.
நமீதா விரைவில் ஒரு புதிய தொடரில் டைட்டில் ரோலில் நடிக்க இருக்கிறார். இதற்கான பேச்சுவார்த்தை தொடங்கி உள்ளது. விரைவில் முறையான அறிவிப்பு வரும்.

Namitha

actressnamitha

கருத்துகள் (0) கருத்தைப் பதிவு செய்ய

மவுன படத்துக்காக விஜய் சேதுபதியுடன் ...

தமிழில் அறிமுகமாகும் மாடல் அழகி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய