Dinamalar

ஓடிடி பார்முலாவுக்குள் சிக்கியுள்ள நவரசா டிரைலர்

மணிரத்னம், ஜெயேந்திரா தயாரிப்பில் தமிழ்த் திரையுலகின் முன்னணி இயக்குனர்கள், நட்சத்திரங்கள் பங்கேற்க உருவாகியுள்ள ஆந்தாலஜி படம் நவரசா. இப்படத்தின் டிரைலர் இன்று(ஜூலை 27) யு டியூப் தளத்தில் வெளியிட்டுள்ளார்கள். ஓடிடி-க்களில் வெளியாகும் திரைப்படங்களும், வெப் சீரிஸ்களும் ஒரு பார்முலாவுக்குள், வட்டத்துக்குள் சிக்கியுள்ளதோ என்று யோசிக்கும் அளவிற்கு இந்த டிரைலரும் அமைந்துள்ளது.

இதற்கு முன்பு வெளிவந்தவற்றில் கூட சில பல பிரச்சினைகளைக் சுற்றிய கதைகளைத்தான் சொன்னார்கள். சுவாரசியமான கதைகளாக அவை இல்லை என்பது சாமானிய ரசிகர்களுக்கு குறையாக இருந்தது. அந்த வரிசையில்தான் இப்போது நவரசா டிரைலரும் இடம் பெற்றுள்ளது.

நவரசங்களின் அடிப்படையில் ஒன்பது உணர்வுகளை மையமாக வைத்து எடுக்கப்பட்டுள்ள இந்த 9 கதைகளில் எது ரசிகர்களிடம் சென்றடையப் போகிறது என்பது வெளியான பிறகு தெரிந்துவிடும்.

9 Stories, 9 Emotions and one incredible journey. #NavarasaOnNetflix#ManiSir @JayendrasPOV @Suriya_offl @VijaySethuOffl @Actor_Siddharth @thearvindswami @nambiarbejoy @menongautham @karthicknaren_M @karthiksubbaraj @priyadarshandir pic.twitter.com/pSnhi7MEyq
— Netflix India South (@Netflix_INSouth) July 27, 2021

சூர்யா, விஜய் சேதுபதி, பிரகாஷ் ராஜ், அரவிந்த்சாமி, சித்தார்த், பிரசன்னா, பாபி சிம்ஹா, அதர்வா, யோகி பாபு, ரேவதி, ரோகிணி, அஞ்சலி, இயக்குனர்கள் பிரியதர்ஷன், வசந்த், என கௌதம் மேனன், கார்த்திக் சுப்பராஜ், எத்தனை பிரபலங்கள் இருந்தாலும், கதையும், சொல்லும் விதமும்தான் ரசிகர்களை ஈர்க்கும் என்பது இதைத் தயாரித்துள்ள இயக்குனர் மணிரத்னம், ஜெயேந்திரா கூட்டணிக்கு நன்றாகவே தெரியும்.

இந்த நவரசா உருவாக்கத்தில் இருக்கும் போதே சில பல மாற்றங்கள் அதிரடியாக நடந்துள்ளன. அந்த மாற்றங்கள் படத்தில் எந்த தாக்கத்தை ஏற்படுத்தியுள்ளன என்பதை பார்க்கும் போதுதான் புரிந்து கொள்ள முடியும்.

ஆனால், இந்த டிரைலரில் 9 படக் காட்சிகளையும் மாற்றி மாற்றி ஒரே டிரைலருக்குள் அடக்கியுள்ளதால் எதைப் பற்றி சொல்லப் போகிறார்கள் என்பதை புரிந்து கொள்ள இயலவில்லை.

• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்
• 
  அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்
• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?

• 
  ‛வாரணாசி' படத்தால் நாடே பெருமைப்படும்: மகேஷ் பாபு பேச்சு
• 
  பிடிவாதமாக பெட்ரோலை குடித்த அஜித்; திருப்பதியில் அஜித் எடுத்த ரிஸ்க்
• 
  பிளாஷ்பேக்: முதல் ஒளி வடிவம் பெற்ற ஜெயகாந்தனின் “உன்னைப் போல் ஒருவன்”
• 
  ஹிந்தி பட புரமோஷனில் காதலுக்கு விளக்கம் கொடுத்த தனுஷ்
• 
  ‛நூறு சாமி'க்காக காத்திருக்கும் ‛லாயர்'