Dinamalar

'பாப்கார்ன், சமோசா'க்காகத்தான் படம் பார்க்கிறேன் - மதுபாலா

மதுபாலா யாரென்று இன்றைய தலைமுறையினருக்குத் தெரியுமா என்பது சந்தேகம்தான். 'அழகன், வானமே எல்லை, ரோஜா, ஜென்டில்மேன், பாஞ்சாலங்குறிச்சி, இருவர்,,” ஆகிய 90களில் வெளிவந்த படங்களில் நாயகியாக நடித்தவர் மதுபாலா. நீண்ட இடைவெளிக்குப் பிறகு கடந்த வருடம் வெளிவந்த 'வாயை மூடிப் பேசவும்' படத்தில் நடித்தார். சமீபத்தில் வெளிவரும் படங்களைப் பற்றி அவர் அடித்த ஒரு கமெண்ட் பரபரப்பை ஏற்படுத்தியிருக்கிறது.

“ஷமிதாப்' டிரைலர் மிகவும் அற்புதமாக உள்ளது, படத்தில் நிறைய விஷயம் உள்ளது என்ற எதிர்பார்ப்பை அந்தப் படம் ஏற்படுத்தியுள்ளது. நீண்ட நாட்களுக்குப் பிறகு அப்படிப்பட்ட ஒரு படத்தை நான் ரசிப்பதற்காக மிகவும் எதிர்பார்த்துக் காத்துள்ளேன். மற்றபடி பாப்கார்ன், சமோசா ஆகியவற்றுக்காகத்தான் மற்ற படங்களைப் பார்க்கிறேன். இப்போதும் மற்றவர்களின் படங்களை விட அமிதாப் நடிக்கும் படங்களைப் பார்க்க மிகவும் ஆர்வம் ஏற்படும்,” என அவர் சமீபத்தில் கூறியிருக்கிறார்.

மதுபாலா, அமிதாப்பின் தீவிர ரசிகையாக இருந்தாலும் மற்ற படங்களை பார்ப்பது வெறும், 'பாப்கார்ன், சமோசா'வுக்காகத்தான் என்பது மற்ற படங்களை எடுப்பவர்களின் மனம் நோகும்படிதான் அமையும் என்பது குறிப்பிடத்தக்கது.

• இவரை பற்றி
• செய்திகள்