Dinamalar

ராதிகாவுக்கு தேசிய விருது கிடைக்குமா? பாராட்டு விழா நடத்தப்படுமா?

'கிழக்கே போகும் ரயில்' படத்தின் மூலம் ஹீரோயினாக அறிமுகம் ஆனவர் நடிகை ராதிகா. அந்த வகையில் சினிமாவில் இந்த ஆண்டை 49வது ஆண்டாக கொண்டாடி வருகிறார். அவர் நடிக்கும் 'ஹாய்' படக்குழுவினர் இதை கேக் வெட்டி கொண்டாடியுள்ளனர். அதில் ஹீரோயினாக நடிக்கும் நயன்தாரா, கவின் ஆகியோரும் அந்த கொண்டாட்டத்தில் பங்கேற்று ராதிகாவுக்கு வாழ்த்து கூறியுள்ளனர். இயக்குனர் கே.பாக்யராஜூம் அந்த நிகழ்வில் கலந்துள்ளார்.

அடுத்த ஆண்டு சினிமாவில் ராதிகா, பொன் விழா ஆண்டை அதாவது 50வது ஆண்டை கொண்டாடுகிறார். அதற்கு பாராட்டு விழா நடத்தப்படுமா என்ற கேள்வி எழுந்துள்ளது. இதற்கு முன்பு பொன்விழா கொண்டாடிய கமல்ஹாசனுக்கு தனியார் டிவி சார்பில் பாராட்டுவிழா நடத்தப்பட்டது. ரஜினிக்கு விழா நடத்தப்படவில்லை. ராதிகாவுக்கும், நடிகர் சங்கத்துக்கும் உரசல். அதனால் நடிகர் சங்கம் நடத்த வாய்ப்பில்லை. மற்றவர்கள் தனியார் அமைப்பினர் நடத்துவார்கள் என எதிர்பார்க்கப்படுகிறது. அதேபோல், 49 ஆண்டு கலை பயணத்தில் இதுவரை ராதிகா தேசியவிருது பெறவில்லை. 'தாய்கிழவி'க்காக அது அடுத்த ஆண்டு கிடைக்குமா என்ற எதிர்பார்ப்பும் எழுந்துள்ளது.

• செய்திகள்
• வந்த படங்கள்

• 
  ராமாயணா படத்தில் சாய் பல்லவி குரலை வேண்டாம் என்ற இயக்குனர்
• 
  உங்களுக்கு பைத்தியம் பிடித்துள்ளதா ? மருத்துவமனையில் டென்ஷனான சல்மான் ...
• 
  ராஜ்குமார் ஹிரானியின் வெப் தொடர் : ஜூலை 3ல் வெளியாகிறது
• 
  ‛துரந்தர் 2' வழக்கு தொடர்பாக தணிக்கை வாரியத்திற்கு உயர்நீதிமன்றம் புதிய ...
• 
  புதைத்த நாயை தோண்டி எடுத்த ஷாருக்கான்

• 
  விஜய் ஆண்டனியின் 'அப்பா குட்டி'
• 
  காஜல் அகர்வாலின் ‛தி இந்தியா ஸ்டோரி' ஜூலை 24ல் ரிலீஸ்
• 
  பெத்தி படத்திலும் கவர்ச்சி கதாபாத்திரத்தில் ஜான்வி கபூர்
• 
  அரசன் செட்டுக்கு வந்த பிரியங்கா மோகன்
• 
  தெலுங்கிலும் லாபக் கணக்கை ஆரம்பித்த 'கருப்பு'