ரஜினிகாந்த், கமல்ஹாசன் இணையும் படத்தின் இயக்குனர் தேர்வு ?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

29 ஜன, 2026 - 05:57 IST

எழுத்தின் அளவு:

தமிழ் சினிமாவின் மூத்த நடிகர்களான ரஜினிகாந்த், கமல்ஹாசன் இருவரும் இணைந்து நடிக்கப் போவதாக சொல்லியிருந்தனர். இருவரும் சினிமாவில் இளம் வயதில் நடித்த போது சில படங்களில் ஒன்றாக நடித்தனர். அதன்பின் தனித் தனியே கதாநாயகர்களாக மட்டுமே தொடர வேண்டும் என்று பேசி முடிவெடுத்து அதன்பின் 40 வருடங்களுக்கும் மேலாக இணைந்து நடிக்கவேயில்லை.

அவர்கள் இணையும் படத்தை இயக்கப் போவது யார் என்ற கேள்வி கடந்த சில மாதங்களாகவே இருந்தது. இயக்குனர் லோகேஷ் கனகராஜ் சமீபத்திய பத்திரிகையாளர் சந்திப்பில் அந்தப் படத்தை இயக்கப் போவதில்லை என்று தெளிவுபடுத்திவிட்டார். தற்போது அந்தப் படத்தின் இயக்குனர் யார் என்பதைத் தேர்வு செய்துவிட்டதாக ஒரு தகவல் வெளியாகி உள்ளது.

'ஜெயிலர் 2' படத்தைத் தற்போது இயக்கி வரும் நெல்சன் தான் அந்த இயக்குனர் என்கிறார்கள். அவர் சொன்ன கதை ரஜினி, கமல் இருவருக்கும் பிடித்துவிட்டதாம். பட அறிவிப்புக்கான வீடியோ முன்னோட்டம் ஒன்றின் படப்பிடிப்பையும் பிப்ரவரி மாதம் படம் பிடிக்க வேலைகள் நடந்து வருகிறதாம். அறிவிப்பை வெளியிட்ட பின்பு ஒரு இடைவெளிக்குப் பிறகுதான் படத்தின் படப்பிடிப்பும் நடக்க உள்ளதாம்.

'ஜெயிலர் 2' படத்தை முடித்த உடன் நெல்சன் இந்தப் படத்தை ஆரம்பிப்பாரா, அல்லது ஏற்கெனவே பேசி வைத்திருந்த தெலுங்குப் படம் ஒன்றை இயக்கி முடித்த பின் வருவாரா என்பது சீக்கிரம் தெரிந்துவிடும் என்கிறார்கள்.

Rajinikanth

Kamalhaasan

Nelsondileepkumar

ரஜினிகாந்த்

கருத்துகள் (0) கருத்தைப் பதிவு செய்ய

தனுஷ் 55ல் சாய் அபயங்கர்

சிறந்த நடிகர், சிறந்த நடிகைகளுக்கான ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய