Dinamalar

வருண் தவானுக்கு மும்பை மெட்ரோ நிர்வாகம் எச்சரிக்கை

பாலிவுட் நடிகர் வருண் தவான், சமீபத்தில் வெளியான 'பார்டர் 2' திரைப்படத்தில் அக்ஷய் கண்ணா உடன் இணைந்து முக்கிய கதாபாத்திரத்தில் நடித்துள்ளார். இந்த படம் தற்போது ரசிகர்களின் வரவேற்பை பெற்று வெற்றிகரமாக ஓடிக் கொண்டிருப்பதால் உற்சாகத்தில் இருக்கும் வருண் தவான் இந்த படத்தை இன்னும் ரசிகர்களிடம் கொண்டு செல்லும் விதமாக வித்தியாசமான புரமோஷன் வேலைகளில் ஈடுபட்டுள்ளார்.

அதன் ஒரு பகுதியாக, சமீபத்தில் மும்பை மெட்ரோ ரயிலில் பயணித்த வருண் தவான், அங்கே நின்று கொண்டே பயணிக்கும் பயணிகளின் வசதிக்காக மேலே தொங்கிக் கொண்டிருக்கும் கைப்பிடிகளைப் பிடித்து தொங்கியபடி பிட்னஸ் பயிற்சி செய்ய தொடங்கினார். இது குறித்த வீடியோ ஒன்றையும் அவர் தனது சோசியல் மீடியா பக்கத்தில் வெளியிட்டிருந்தார். இந்த வீடியோ வெளியானதை தொடர்ந்து மஹாராஷ்டிரா மும்பை மெட்ரோ நிர்வாகம் நடிகர் வருண் தவானின் இந்த செயலுக்கு தங்களது கண்டனத்தை பதிவு செய்துள்ளது.

இது குறித்து அவர்கள் வெளியிட்டுள்ள பதிவில், “நீங்கள் வெளியிட்டுள்ள இந்த வீடியோ உங்களது ஆக்சன் படங்களில் ஒன்றாக பாதுகாப்பு குறிப்புகளுடன் வெளியாகி இருந்திருக்க வேண்டும். ஆனால் இதுபோன்று மஹா மும்பை மெட்ரோவில் இதை முயற்சித்து பார்க்கக் கூடாது. மெட்ரோவில் இருக்கும் கைப்பிடிகள் பயணிகளின் வசதிக்காக தானே தவிர இது போன்று உடற்பயிற்சி செய்து பழகுவதற்கு அல்ல. வேடிக்கையான நிகழ்வுகளும் கொண்டாட்டங்களும் இருக்கலாமே தவிர, அது பயணிகளின் பாதுகாப்பை முதலில் உறுதி செய்வதாக இருக்க வேண்டும்” என்று கூறியுள்ளது.

இதைத் தொடர்ந்து ஒருவேளை வருண் தவானின் இந்த செயலுக்காக அவருக்கு அபராதம் விதிக்கப்படலாம் என்றும் சொல்லப்படுகிறது.

• 
  வரலட்சுமி இயக்குனராக அறிமுகமாகும் 'எஸ் சரஸ்வதி' தெலுங்கில் மட்டும் ...
• 
  விஜய் தேவரகொன்டா - ராஷ்மிகா வரவேற்பு: தமிழ், கன்னடம், ஹிந்தி திரையுலகினர் ...
• 
  தான் எழுதிய 'மைல்கல்' புத்தகத்தை ரஜினியிடம் பரிசாக கொடுத்த இயக்குனர் ...
• 
  ஒரே காரில்... ஒரே கலரில்...: ஜோடியாக திருமண நிகழ்ச்சியில் பங்கேற்ற விஜய், ...
• 
  சாரா அர்ஜுனின் வளர்ச்சி பெருமையாக உள்ளது! - சொல்கிறார் இயக்குனர் ...

• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது
• 
  சல்மான்கான் உடன் ரொமான்ஸ் காட்சியில் நடித்த அவரது வளர்ப்பு குதிரை
• 
  சென்சார் போர்டின் இரட்டை நிலைப்பாடு ; தி கேரளா ஸ்டோரி இயக்குனர் ...
• 
  துபாயில் சிக்கிக்கொண்ட பாலிவுட் நடிகை ; உதவி கேட்டு பிரதமருக்கு கோரிக்கை
• 
  நடிப்பு உலகில் அடியெடுத்து வைத்த கிரிக்கெட் நடுவர் அனில் சவுத்ரி