Dinamalar

விஜய் ஆண்டனி, ஜிவி பிரகாஷ்குமார் வரிசையில் கங்கை அமரன், தேவிஸ்ரீ பிரசாத்

தமிழ் சினிமாவில் இயக்குனர்கள் நடிகர்களாவதும், நடிகர்கள் இயக்குனர்களாவதும், அவர்களில் சிலர் தயாரிப்பாளர்கள் ஆவதும் வழக்கமாக நடந்து வரும் ஒன்று.

இசையமைப்பாளர்களாக இருப்பவர்கள் ஒரு சில படங்களில் சிறப்புத் தோற்றங்களில் நடித்திருப்பார்கள். அந்தக் காலத்தில் முன்னணி இசையமைப்பாளராக பல சூப்பர் ஹிட்களைக் கொடுத்த எம்எஸ் விஸ்வநாதன், 1998ல் அஜித்குமார் நடித்து வெளிவந்த 'காதல் மன்னன்' படத்தில் முக்கிய கதாபாத்திரம் ஒன்றில் நடிகராக அறிமுகமானார். அதன்பின் 'காதலா காதலா, ரோஜாவனம், தில்லு முல்லு (2013)' உள்ளிட்ட சில படங்களில் நடித்தார்.

இசையமைப்பாளராக அறிமுகமாகி வளர்ந்து வரும் நேரத்தில் விஜய் ஆண்டனி, ஜிவி பிரகாஷ்குமார் ஆகியோர் நடிகராக, கதாநாயகர்களாக அறிமுகமானார்கள். விஜய் ஆண்டனி 2012ல் வெளிவந்த 'நான்' படம் மூலமும், ஜிவி பிரகாஷ் 2015ல் வெளிவந்த 'டார்லிங்' படம் மூலமும் கதாநாயகர்களாக அறிமுகமாகி இப்போதும் நடித்து வருகிறார்கள்.

அவர்களது வரிசையில் தற்போது கங்கை அமரன், தேவிஸ்ரீ பிரசாத் இணைந்துள்ளார்கள். பாடலாசிரியர், இயக்குனர், தயாரிப்பாளர் என பன்முகம் கொண்ட கங்கை அமரன் அந்தக் காலத்தில் பல ஹிட் படங்களைக் கொடுத்திருந்தாலும் நடிப்புப் பக்கம் வரவில்லை. சில படங்களில் சிறப்புத் தோற்றத்தில் நடித்தார். தற்போது 'லெனின் பாண்டியன்' என்ற படத்தில் முக்கிய கதாபாத்திரத்தில் நடித்துள்ளார். இப்படம் விரைவில் வெளியாக உள்ளது.

சென்னையில் வளர்ந்த இசையமைப்பாளர் தேவிஸ்ரீ பிரசாத் தெலுங்கில் பல சூப்பர் ஹிட் படங்களுக்கும், தமிழிலும் சில சூப்பர் ஹிட் படங்களுக்கும் இசையமைத்துள்ளார். கடந்த சில வருடங்களாகவே அவர் சினிமாவில் நடிக்கவும் வருவார் என்று சொல்லப்பட்டது. தற்போது 'எல்லம்மா' என்ற படத்தில் கதாநாயானாக அறிமுகமாக உள்ளார். அப்படத்தின் அறிவிப்பு வீடியோவுடன் வெளியிடப்பட்டுள்ளது. இப்படம் பான் இந்தியா படமாக வெளியாக உள்ளது.

ஒரே சமயத்தில் இசை, நடிப்பு என பயணிப்பது அவ்வளவு எளிதல்ல. ஆனாலும், விஜய் ஆண்டனி, ஜிவி பிரகாஷ் ஆகியோர் கடந்த பத்து வருடங்களுக்கும் மேலாக பயணித்து வருகிறார்கள். அவர்களைத்தான் தேவிஸ்ரீ பிரசாத் முன்னுதாரணமாக எடுத்துக் கொள்ள வேண்டும்.

• 
  ரங்தே பசந்தி 20ம் வருட நிறைவு : படக்குழுவினருடன் சேர்ந்து கொண்டாடிய ...
• 
  துரந்தர் 2 படத்தில் சிறப்பு தோற்றத்தில் நடித்த விக்கி கவுசல், யாமி கவுதம்
• 
  கணவர் அபிஷேக் பச்சனுக்கு பிறந்தநாள் வாழ்த்து சொன்ன ஐஸ்வர்யா ராய்
• 
  ஆன்லைன் விளையாட்டு மோகத்தால் மூன்று இளம் பெண்கள் தற்கொலை ; சோனு சூட் ...
• 
  அனிமல் 2ம் பாகத்திற்கு அனிமல் பார்க் டைட்டில் ஏன் ? ; சந்தீப் ரெட்டி வங்கா ...

• 
  2046ல் என்ன நடக்கும் ? ரஜிஷா விஜயனின் புதிய படம் பதில் சொல்லும்
• 
  ஆல்பம் பாடலில் அதிர வைக்கும் அழகுடன் மஞ்சு வாரியர்
• 
  ‛திரிஷ்யம் 3' கிளைமாக்ஸ் ஷாக்கிங் ஆக இருக்கும் : நடிகை ஆஷா சரத்
• 
  சம்பளத்துக்கு பதிலாக ஷேர் வாங்கும் அல்லு அர்ஜுன்!
• 
  மீண்டும் ஜிம்மில் ஒர்க்அவுட் செய்யும் வீடியோவை வெளியிட்ட திரிஷா!