Dinamalar

விஜய் தேவரகொண்டா, கீர்த்தி சுரேசுக்கு வெற்றியை கொடுக்குமா ‛ரெளடி ஜனார்தனா'

தில் ராஜூ தயாரிப்பில், ரவி கிரண் கோலா இயக்கத்தில் விஜய்தேவரகொண்டா, கீர்த்திசுரேஷ் நடிக்கும் படத்துக்கு 'ரெளடி ஜனார்தனா' என்ற தலைப்பு வைக்கப்பட்டுள்ளது. தமிழ், தெலுங்கு, கன்னடம், மலையாளம், ஹிந்தி ஆகிய மொழிகளில் அடுத்த ஆண்டு டிசம்பரில் படம் ரிலீஸ் ஆகிறது. ஐதராபாத்தில் ரசிகர்கள் முன்னிலையில் பிரம்மாண்டமாக நடைபெற்ற நிகழ்வில் இந்த தலைப்பு வெளியிடப்பட்டுள்ளது.

1980களில் கிழக்கு கோதாவரியை களமாகக் கொண்ட ஆக் ஷன் படமாக இந்த கதை உருவாகிறது. இதில் ரவுடி ஜனார்தனா என்ற வேடத்தில் விஜய் தேவரகொண்டா நடித்துள்ளார். இதுதொடர்பாக வெளியிடப்பட்ட அறிமுக வீடியோவில் ரத்தம் தெறிக்க தெறிக்க பலரை வெட்டி சாயக்கிறார் விஜய் தேவரகொண்டா. அதோடு அந்த வீடியோவில் ஒரு காட்சியில் கெட்ட வார்த்தையும் பேசி உள்ளார். எப்படி இதை அனுமதித்தார்கள் என தெரியவில்லை.

கடந்த சில ஆண்டுகளாக விஜய் தேவரகொண்டாவுக்கு பெரிய வெற்றி கிடைக்கவில்லை. அவர் நடித்த லைகர், குஷி, கிங்டம் ஆகிய படங்கள் வரிசையாக தோல்வி அடைந்து வருகின்றன. அதேபோல் கீர்த்தி சுரேஷ் நடித்த ரகு தாத்தா, ரிவால்வர் ரீட்டா படங்களும் தோல்வி அடைந்துள்ளன. ஆகவே இரண்டு பேரும் இந்த படத்தை எதிர்பார்ப்புடன் நோக்கி இருக்கிறார்கள்.

காதல் படங்களில் நடித்து வந்த விஜய் தேவரகொண்டா ஆக் ஷனுக்கும் மாறினார். அது அவருக்கு செட் ஆகவில்லை என பேச்சு வந்தது. ஆனாலும், இந்த படத்திலும் அவர் ஆக் ஷன் ஹீரோவாகவே நடிக்கிறார்.

• 
  'கடார் 3' உறுதி ; அமிஷா பட்டேல் வெளியிட்ட தகவல்
• 
  மூன்றாம் பாலினத்தவர்கள் கடவுளின் குழந்தைகள்: ஆசிம் கெதர்பால்
• 
  வாரிசு நட்சத்திரங்களால் பல வாய்ப்புகளை இழந்தேன் ; கிர்த்தி சனோன் வேதனை
• 
  ராகினி எம்எம்எஸ் 3 திரில்லர் படத்தில் இணைந்த தமன்னா
• 
  கிரிக்கெட் வீரர் பயோபிக்கில் மீண்டும் இணையும் 'லகான்' கூட்டணி

• 
  வினியோகஸ்தர்கள், தியேட்டர்காரர்கள் ஒத்துழைப்பை கேட்கும் தென்னிந்திய ...
• 
  கருப்பு : பிரமோஷனை ஆரம்பித்த த்ரிஷா
• 
  இரண்டு வாரங்களில் 'ஜனநாயகன்' ரிலீஸ் : தயாரிப்பாளர் சொன்ன தகவல்
• 
  'கருப்பு' ரிலீஸால் தள்ளிப் போகும் சூர்யாவின் 'விஸ்வநாத் அண்ட் சன்ஸ்'
• 
  முதல்வராக பதவியேற்ற முதல்நாளே கோரிக்கை வைத்த திருப்பூர் சுப்ரமணியன்