Dinamalar

தலைப்பிற்காக அலையும் படக்குழு!

தமிழில் அறிமுக இயக்குனர் அபிஷன் ஜீவிந்த் இயக்கத்தில் வெளியான படம் 'டூரிஸ்ட் பேமிலி'. முதல் படத்திலேயே ஒரு இயக்குனராக இவர் வெற்றி முத்திரையை பதித்தவர். அந்த படத்தில் ஒரு குணச்சித்திர வேடத்தில் நடித்து பாராட்டையும் பெற்றார்.

தற்போது அபிஷன் ஜீவிந்த் கதாநாயகனாக நடிக்கும் படத்தை அவரின் உதவி இயக்குநர் மதன் என்பவர் இயக்குகிறார். இதில் கதாநாயகியாக மலையாள நடிகை அனஸ்வரா ராஜன் நடிக்கின்றார். இந்த படத்தை சவுந்தர்யா ரஜினிகாந்த் அவரின் ஜியான் பிலிம்ஸ் மற்றும் டூரிஸ்ட் பேமிலி படத்தின் இணை தயாரிப்பாளர் மகேஷ் ராஜ் பசிலன் அவரின் எம்.ஆர்.பி எண்டெர்டெயிமென்ட் நிறுவனங்களின் மூலம் இணைந்து தயாரித்துள்ளனர். இந்த படத்திற்கு ஷான் ரோல்டன் இசையமைத்துள்ளார்.

சமீபத்தில் இந்த படத்தின் படப்பிடிப்பு முழுவதும் நிறைவு பெற்று தற்போது போஸ்ட் புரொடக்ஷன் பணிகள் நடைபெற்று வருகிறது. இதுவரை இந்த படத்தின் தலைப்பை அறிவிக்கவில்லை. ஏற்கனவே இந்த படத்திற்கு 'ஆட்டோகிராப்', 'பிரியமுடன்' என இரு பழைய படங்களின் தலைப்பை முடிவு செய்து படக்குழு தரப்பில் இருந்து சம்பந்தப்பட்ட நிறுவனங்களிடம் பேச்சுவார்த்தை நடத்தியுள்ளனர். ஆனால், சம்பந்தப்பட்ட நிறுவனங்கள் தலைப்பை பயன்படுத்த அனுமதி தரவில்லை. இதனால் இப்போது இந்த படத்திற்கு 'வித் லவ்' என தலைப்பு வைத்து விடலாம் என்கிற சிந்தனையில் உள்ளதாக கூறப்படுகிறது.

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி

• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி
• 
  கர்மா பற்றி எனக்கு பாடம் எடுக்காதீர்கள் ; நடிகர் விநாயகன் காட்டம்