'மாரீசன்' படம் ஜூலை 25ல் வெளியாகிறது | ராஜமவுலி படம் மூலம் இந்திய திரையுலகிற்கு திரும்புவது உற்சாகம் : பிரியங்கா சோப்ரா | 7500 தியேட்டர்களில் வெளியாகும் வார் 2 | கால வரையறையின்றி ஒத்திவைக்கப்பட்ட அனுஷ்காவின் ‛காட்டி' | ஹீரோவாகும் ‛டூரிஸ்ட் பேமிலி' இயக்குனர் அபிஷன் ஜீவிந்த் | வேள்பாரி நாவலில் ரஜினிகாந்த்? | பாராட்டுக்கள் கிடைத்தும் வசூலை அள்ளாத 'கண்ணப்பா' | 50வது நாளைக் கடந்த 'மாமன்', நன்றி தெரிவித்த சூரி | ஹரிஹர வீரமல்லு : யு டியூபில் மட்டும் 60 மில்லியன் பார்வைகள் | 'சப்தம்' படத்தை ஓடிடியில் வெளியிட நீதிமன்றம் தடை |
ஜெயம் ரவி நடித்த கோமாளி என்ற படத்தை இயக்கி அறிமுகமானவர் பிரதீப் ரங்கநாதன். அதையடுத்து அவர் லவ் டுடே என்ற படத்தை தானே இயக்கி ஹீரோவாக நடித்தார். தொடர்ந்து ஹீரோவாக பயணிக்கிறார். சசிகுமார் - சிம்ரன் நடிப்பில் டூரிஸ்ட் பேமிலி என்ற படத்தை இயக்கி அறிமுகமான அபிஷன் ஜீவிந்த், மிகப்பெரிய அளவில் பாராட்டுகளை பெற்றதோடு அந்த படத்தில் தானும் ஒரு சிறிய வேடத்தில் நடித்து, நடிப்புக்காகவும் பாராட்டு பெற்றார்.
இந்த நிலையில் அடுத்து இவர் ஹீரோவாக ஒரு படத்தில் நடிக்கப்போவதாக தகவல் வெளியாகி உள்ளது. அந்த படத்தை டூரிஸ்ட் பேமிலி படத்தில் இணை இயக்குனராக பணியாற்றிய ஒருவரே இயக்கப் போகிறாராம். இப்படத்தில் அபிஷன் ஜீவிந்திற்கு ஜோடியாக மலையாள நடிகை அனஸ்வரா ராஜன் என்பவர் நடிக்கிறார். இவர் ஏற்கனவே தமிழில் ராங்கி, தக்ஸ் மற்றும் தற்போது செல்வராகவன் இயக்கியுள்ள 7ஜி ரெயின்போ காலனி -2 போன்ற படங்களில் நடித்துள்ளார். படத்திற்கு கரக்டட் மச்சி என்று தலைப்பு வைக்க ஆலோசித்து வருகிறார்கள். இப்படம் குறித்த அறிவிப்பு விரைவில் வெளியாகவுள்ளது.