Dinamalar

விஷ்ணு விஷால் அடுத்தடுத்து தயாரிக்கும் 3 படங்கள்

தமிழ் சினிமாவில் நடிகராகவும், தயாரிப்பாளராகவும் தொடர்ந்து பயணித்துக் கொண்டிருப்பவர் விஷ்ணு விஷால். அவரது நிறுவனமான விஷ்ணு விஷால் ஸ்டுடியோஸ் தயாரிப்பில், அவரது தம்பி ருத்ரா நாயகனாக நடிக்கும் 'ஓஹோ எந்தன் பேபி' படத்தின் டிரைலர் வெளியீட்டு விழா இன்று(ஜூன் 28) சென்னையில் நடைபெற்றது.

கிருஷ்ணகுமார் ராம்குமார் இயக்கத்தில், ஜென் மார்ட்டின் இசையமைப்பில், ருத்ரா, மிதிலா பால்கர், அஞ்சு குரியன், மிஷ்கின் மற்றும் பலர் இப்படத்தில் நடிக்கிறார்கள்.

இன்றைய நிகழ்ச்சியில் சிறப்பு விருந்தினர்களில் ஒருவராகக் கலந்து கொண்டு பேசிய தயாரிப்பாளர் ஐசரி கணேஷ், அவர்கள் அறிவித்த 10 படங்களில் 3 படங்களை விஷ்ணு விஷாலுடன் இணைந்து தயாரிக்க உள்ளதாக அறிவித்தார்.

'பேச்சுலர்' படத்தை இயக்கிய சதீஷ் இயக்கும் ஒரு படம், அருண்ராஜா காமராஜ் இயக்கத்தில் ஒரு படம், செல்ல அய்யாவு இயக்கத்தில் ஒரு படம், என 3 படங்களை அடுத்தடுத்து விஷ்ணு விஷால் தயாரிக்க உள்ளார். செல்ல அய்யாவு இதற்கு முன்பு விஷ்ணு விஷால் நடித்த 'சிலுக்குவார்பட்டி சிங்கம், கட்டா குஸ்தி' படத்தை இயக்கி உள்ளார். அருண்ராஜா காமராஜ் 'கனா, நெஞ்சுக்கு நீதி' ஆகிய படங்களை இயக்கி இருக்கிறார்.

• 
  தமன்னா கை கழுவியதால் புதிய காதலில் விழுந்தாரா விஜய் வர்மா..?
• 
  ஐமேக்ஸில் வெளியாகும் வார் 2
• 
  ஒடிசாவின் பாரம்பரிய நடனத்தை கற்றுக்கொண்ட பிரியங்கா சோப்ரா
• 
  டிஜிட்டல் தரத்தில் 'உம்ராவ் ஜான்' - நாளை ரீரிலீஸ்
• 
  ஓடிடியில் நேரடியாக வெளியாகும் மாதவன் படம்

• 
  சிம்பு - வெற்றிமாறன் கூட்டணி : தனுஷ் தரப்பில் திடீர் எதிர்ப்பு ?
• 
  நான் நடிக்க வேண்டிய கதையில் என் மகன் நடிக்கிறார் : விஜய் சேதுபதி
• 
  கோவிலுக்கு இயந்திர யானை வழங்கிய திரிஷா
• 
  10 ஆண்டுகளுக்கு பிறகு மீண்டும் வரும் பெண்டாஸ்டிக் போர்
• 
  பிளாஷ்பேக் : தணிக்கையில் சிக்கிய பிரபு படம்