Dinamalar

பிரேமலு 2 தாமதம் ஏன் ? தயாரிப்பாளர் தகவல்

கடந்த வருடம் மலையாளத்தில் வெளியாகி ஹிட் அடித்த படங்களில் பிரேமலு, ரசிகர்களை ரொம்பவே ஆச்சரியப்படுத்திய ஒரு திரைப்படம். சின்ன பட்ஜெட்டில், அவ்வளவாக அறிமுகம் இல்லாத நடிகர்களை வைத்து, ஒரு நகைச்சுவை கலந்த காதல் கதையை அற்புதமாக கொடுத்திருந்தார் இயக்குனர் கிரிஷ் ஏடி. கதாநாயகியாக நடித்திருந்த மமிதா பைஜூ இந்த படத்தின் மூலம் மலையாளத்தில் மட்டுமல்லாமல் தென்னிந்திய அளவிலும் மிகப்பெரிய அளவில் புகழ் பெற்றார். தற்போது விஜய்யின் ஜனநாயகன் படத்தில் அவருடன் இணைந்து நடிக்கும் அளவிற்கு இந்த படம் அவருக்கு வாய்ப்பை பெற்றுக் கொடுத்தது. தமிழகத்திலும் பிரேமலு திரைப்படம் நல்ல வரவேற்பு பெற்றது.

இந்த படத்தின் இரண்டாம் பாகம் தயாராகும் என்று ஏற்கனவே படக்குழுவினர் அறிவித்து இருந்தனர். ஆனால் அது பற்றிய எந்த தகவலும் இல்லாத நிலையில் படத்தின் இணை தயாரிப்பாளரும், பிரபல இயக்குனருமான திலீஷ் போத்தன் பிரேமலு 2 படத்தின் தாமதம் பற்றி விளக்கம் அளித்துள்ளார்.

இது குறித்து அவர் கூறும்போது, “சில காரணங்களால் பிரேமலு 2 படத்தின் வேலைகளை இப்போது துவங்க முடியவில்லை. அது மட்டுமல்ல எப்போது துவங்கும் என்றும் கூட உறுதியாக சொல்ல முடியவில்லை. காரணம் பிரேமலு படத்தின் இயக்குனர் கிரிஷ் ஏடி தனது அடுத்த படத்தை எங்களது தயாரிப்பிலேயே இயக்க உள்ளார். அந்தப் படம் முடிந்த பிறகு தான் பிரமலு 2 படம் குறித்து யோசிக்க முடியும்” என்று கூறியுள்ளார்.

• 
  ஒரே வாரத்தில் ஆயிரம் கோடி வசூல் செய்த துரந்தர் 2
• 
  போலி 'ஏஐ' வீடியோக்கள் : 'துரந்தர்' இயக்குனர் ஆதித்ய தர் எச்சரிக்கை
• 
  எனது நடிப்பில் பன்முகத் திறமையை வெளிப்படுத்த விரும்புகிறேன் : ராஜ்பால் ...
• 
  மகளை முத்தமிட்டது தவறா?: பாலிவுட் நடிகர் வேதனை
• 
  இயக்குனர் மீது 'கும்பமேளா' புகழ் மோனலிசா பாலியல் புகார்

• 
  'பெத்தி' படப்பிடிப்பில் ராம்சரணுக்கு கண்ணில் காயம் பட்டதா ? ...
• 
  26வது பிறந்தநாளை தந்தையுடன் கொண்டாடிய திலீப் மகள் ; தாயுடன் பத்து வருடமாக ...
• 
  பவன் கல்யாண் படங்களில் நடிக்க தடை கோரிய மனுவை தள்ளுபடி செய்த நீதிமன்றம்
• 
  ஒருவேளை ராம்சரண் படம் வெளியானால்.. ? தில் ராஜு போட்ட கண்டிஷன்
• 
  நிவின்பாலியின் படம் மறைந்த கேரள முதல்வர் பற்றியதா ? இயக்குனர் விளக்கம்