Dinamalar

ஏப்ரல் 4ல் ஓடிடியில் வெளியாகும் 'டெஸ்ட்'

2025ம் ஆண்டில் தியேட்டர்களில் இதுவரையில் 45 படங்கள் வெளியாகி உள்ளன. நாளை வெளியாக உள்ள 8 படங்களையும் சேர்த்தால் 50 படங்களைக் கடந்துவிடும். இந்த ஆண்டின் 9 வார முடிவில் 50 படங்கள் வெளியீடு என்பது அதிகம்தான்.

கொரோனா காலத்தில் ஓடிடி தளங்களில் புதிய படங்கள் நேரடியாக வெளியாவது ஆரம்பமானது. அடுத்த இரண்டு வருடங்கள் வரை அது குறிப்பிடும் எண்ணிக்கையில் இருந்தது. ஆனால், கடந்த மூன்று வருடங்களாக ஓடிடி தளங்களில் நேரடியாக வெளியாகும் படங்களின் எண்ணிக்கை ஒற்றை இலக்கத்திலேயே உள்ளது.

இந்த ஆண்டில் இதுவரையில் எந்த ஒரு படமும் ஓடிடி தளத்தில் நேரடியாக வெளியாகவில்லை. முதல் படமாக ஏப்ரல் 4ம் தேதி 'டெஸ்ட்' படம் வெளியாக உள்ளது. ஒய் நாட் ஸ்டுடியோஸ் தயாரிப்பு நிறுவனத்தின் தயாரிப்பாளரான சஷிகாந்த் இப்படம் மூலம் இயக்குனராக அறிமுகமாகிறார். மாதவன், சித்தார்த், நயன்தாரா மற்றும் பலர் இப்படத்தில் நடித்துள்ளார்கள்.

கிரிக்கெட்டை மையமாகக் கொண்ட படம் இது. 2025 பிரிமீயர் லீக் கிரிக்கெட் சீசன் ஆரம்பமானதும் இப்படம் வெளியாவது பொருத்தமான ஒன்று. நெட்பிளிக்ஸ் ஓடிடி தளத்தில் இப்படம் வெளியாகிறது. தயாரிப்பாளராக “தமிழ்ப்படம், இறுதிச்சுற்று, விக்ரம் வேதா, தமிழ்ப்படம் 2, கேம் ஓவர், ஏலே, மண்டேலா,” என தரமான படங்களைக் கொடுத்த சஷிகாந்த் இயக்குனராக எப்படிப்பட்ட படத்தைக் கொடுக்கப் போகிறார் என்பது ஒரு மாதத்தில் தெரிந்துவிடும்.

• 
  நீதிமன்றம் கெடுபிடி : வெளிநாட்டு பயணத்தை ரத்து செய்த ஷில்பா ஷெட்டி
• 
  ஒரு டஜன் வாழைப்பழம் மட்டும் சம்பளமாக பெற்றுக்கொண்டு நடித்த கோவிந்தா
• 
  அரிய நோயால் பாதிக்கப்பட்டுள்ள பூமி பட்னேகர்
• 
  தீபிகா படுகோனேவின் குரல் இனி மெட்டா ஏஐ-யில் ஒலிக்கும்
• 
  மாதவனை பழிக்குப்பழி வாங்கி விட்டேன் : அஜய் தேவ்கன் பகிர்ந்த சுவாரஸ்ய ...

• 
  'காந்தாரா சாப்டர் 1' ஹிட்: ஆன்மிக பயணம் செல்லும் ரிஷப் ஷெட்டி
• 
  ரஜினி பிறந்தநாளில் பிரமாண்டமாக ரீ ரிலீஸ் ஆகும் அண்ணாமலை!
• 
  இயக்குனர் கென் கருணாஸ் உடன் இணைந்த ஜி.வி. பிரகாஷ்!
• 
  எண்பதுகளின் கதாநாயகியை நினைவூட்டும் அனுபமா; நடிகை கோமலி பிரசாத் பாராட்டு
• 
  'லோகா 2' மற்றும் 'பிரேமலு 2'வில் நான் இருக்கிறேனா ? மமிதா பைஜூ பதில்