பிரதமரின் பாராட்டு என் அதிர்ஷ்டம் ; குஜராத்தில் நெகிழ்ந்த உன்னி முகுந்தன்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

28 ஜன, 2025 - 11:40 IST

எழுத்தின் அளவு:

மலையாள திரையுலகில் நம்பிக்கை நட்சத்திரமாக இளம் முன்னணி நடிகராக நாளுக்கு நாள் வளர்ந்து கொண்டே வருபவர் நடிகர் உன்னி முகுந்தன். கடந்த சில வாரங்களுக்கு முன்பு இவரது நடிப்பில் மார்கோ என்கிற திரைப்படம் வெளியானது. அதிரடி ஆக்சன் படமாக வெளியான இந்த படம் மிகப்பெரிய வெற்றியை பெற்று 100 கோடி வசூலும் செய்தது. அது மட்டுமல்ல பாலிவுட்டிலும் மொழிமாற்றம் செய்யப்பட்டு வெளியிடப்பட்ட இந்த படம் அங்கேயும் வரவேற்பை பெற்றுள்ளது. குறிப்பாக குஜராத்தில் இந்த படத்திற்கு நல்ல வரவேற்பு கிடைத்து வருகிறது. இதைத்தொடர்ந்து அங்கே நடைபெற்ற புரமோஷன் நிகழ்ச்சியில் கலந்து கொண்டு தனது மகிழ்ச்சியை வெளிப்படுத்தினார் உன்னி முகுந்தன்.

அப்போது அவர் பேசுகையில், “நான் குஜராத்தில் பிறந்து வளர்ந்தவன் தான்.. 2009ல் தான் கேரளாவிற்கு இடம் பெயர்ந்தேன். இங்கே உள்ள பள்ளி, கல்லூரிகளில் தான் படித்தேன். இங்கே வரும் போதெல்லாம் என்னுடைய பழைய ஞாபகங்கள் தானாகவே வந்து விடுகின்றன. அந்த வகையில் நான் பாதி குஜராத்திக்காரன் தான். ஒரு முறை பிரதமர் மோடியை நேரில் சந்தித்தபோது அவரிடம் நான் குஜராத்திக்காரன் என்றும். நான் குஜராத்தில் இருந்தபோது நீங்கள் தான் எனக்கு முதல்வராக இருந்தீர்கள், இப்போது நீங்கள் தான் எனக்கு பிரதமராகவும் இருக்கிறீர்கள் என சொன்னபோது மிகுந்த ஆச்சரியப்பட்டார். அது மட்டுமல்ல ஒரு குஜராத்தி பையன் மலையாள திரைப்படங்களில் நடித்து சாதித்து வருவது மகிழ்ச்சியாக இருக்கிறது என்றும் என்னை பாராட்டினார். அவரது பாராட்டு எனது அதிர்ஷ்டம். எனக்கு குஜராத்தி மொழியில் நடிக்க வாய்ப்பு வந்தால் நிச்சயமாக நடிப்பேன். ஏனென்றால் என்னால் குஜராத்தி மொழியில் சரளமாக பேச முடியும்” என்று கூறினார்.

Unni Mukundan

PM Modi

Gujarati

உன்னி முகுந்தன்

பிரதமர் மோடி

கருத்துகள் (0) கருத்தைப் பதிவு செய்ய

பிக்பாஸ் நிகழ்ச்சியில் இருந்து விடை ...

சினிமா தயாரிப்பில் 25 ஆண்டுகள் : ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய