தி கோட் : ரிலீஸிற்கு முன் 3 மணிநேரம்... ரிலீஸிற்கு பின் மாறுமா...? - The Goat : 3 hours before release... Will it change after release...

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'தி கோட்' : ரிலீஸிற்கு முன் 3 மணிநேரம்... ரிலீஸிற்கு பின் மாறுமா...?

24 ஆக, 2024 - 10:30 IST

எழுத்தின் அளவு:

வெங்கட் பிரபு இயக்கத்தில், யுவன் இசையில், விஜய் நாயகனாக நடித்துள்ள 'தி கோட்' படத்திற்கான சென்சார் முடிந்துவிட்டது. படத்திற்கு 'யு-ஏ' சான்றிதழ் அளிக்கப்பட்டுள்ளது. படத்தின் ரன்னிங் டைம் 2 மணி நேரம் 59 நிமிடங்களாம். மூன்று மணி நேரத்திற்கு ஒரு நிமிடம்தான் குறைவு.

சமீப காலங்களில் நீளமான படங்களை ரசிகர்கள் ரசிக்கத் தயங்குகிறார்கள். படம் நீளம் என்று கமெண்ட் வந்த பின் அதில் சில காட்சிகளை நீக்குவதும் நடக்கிறது. சமீபத்தில் கூட 'இந்தியன் 2' படத்திற்கான நீளம் முதலில் 3 மணி நேரமே இருந்தது. பின்னர் 12 நிமிடக் காட்சிகளைக் குறைத்தார்கள்.

விஜய் நடித்து இதற்கு முன்பு வெளிவந்த 'லியோ' படத்தின் நீளம் 2 மணி நேரம் 44 நிமிடங்கள், 'வாரிசு' படத்தின் நீளம் 2 மணி நேரம் 50 நிமிடங்கள், 'பீஸ்ட்' படத்தின் நீளம் 2 மணி நேரம் 35 நிமிடங்கள், 'மாஸ்டர்' படத்தின் நீளம் 2 மணி நேரம் 58 நிமிடங்கள், 'பிகில்' படத்தின் நீளம் 2 மணி நேரம் 59 நிமிடங்கள், 'சர்கார்' படத்தின் நீளம் 2 மணி நேரம் 43 நிமிடங்கள், 'மெர்சல்' படத்தின் நீளம் 2 மணி நேரம் 50 நிமிடங்களாக இருந்துள்ளன. இது கடந்த சில வருடங்களில் விஜய் நடித்து வெளிவந்த படங்களின் நேரம்.

அவ்வளவு நேரம் இருந்தாலும் அந்தப் படங்கள் வசூல் ரீதியாகவும் வெற்றி பெற்றுள்ளன. எனவே தான் 'தி கோட்' படத்தின் நீளத்தையும் எதைப் பற்றியும் கவலைப்படாமல் வைத்திருப்பார்கள். விஜய்யை அதிக நேரம் திரையில் பார்ப்பதும் அவர்களது ரசிகர்களுக்கு மகிழ்ச்சிதான். 'தி கோட்' எப்படிப்பட்ட மகிழ்ச்சியைத் தரப் போகிறது என்பது இன்னும் இரண்டு வாரத்தில் தெரிந்துவிடும்.

TheGoat

Actorvijay

Thalapathy

Venkatprabhu

GOAT

கருத்துகள் (0) கருத்தைப் பதிவு செய்ய

ராதையாக மாறிய தமன்னா

அர்ஷத் வர்சிக்கு கனிவுடன் பதிலடி ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய