Dinamalar

ஊரைத் தெரிஞ்சிக்கிட்டேன்… - 100 மில்லியனைக் கடந்த முதல் 80ஸ் பாடல்

யு-டியூப் வீடியோ தளம் 2005ம் ஆண்டுதான் ஆரம்பிக்கப்பட்டது. கொஞ்சம் கொஞ்சமாக வளர்ந்து இன்று உலகம் முழுவதும் பல கோடி மக்களால் அதிகம் பார்க்கப்படும் ஒரு வீடியோ தளமாக உயர்ந்து நிற்கிறது.

யு டியுப் தளத்தில் எண்ணற்ற தமிழ்ப் பாடல்கள், திரைப்படங்கள், காட்சிகள், டிரைலர்கள், டீசர்கள், பல தனி நபர் சேனல்கள் என தமிழ் சினிமா சார்ந்து ஆயிரக்கணக்கான சேனல்களில் பல லட்சம் வீடியோ பதிவுகள் இடம் பெற்றுள்ளன.

பழைய படங்கள் பலவும், பாடல்கள் பலவும் அதில் இடம் பெற்றுள்ளது. அவற்றிற்கென்று தனிப்பட்ட வரவேற்பு அதிகம் இருந்தாலும் அவை தற்போதைய படங்கள், பாடல்கள் போல பார்வைகளைப் பெறுவதில்லை.

இப்போது 80களில் வெளிவந்த ஒரு சினிமா பாடல் 100 மில்லியன் பார்வைகளைக் கடந்துள்ளது. ஒரு பழைய பாடல் இத்தகைய சாதனையை நிகழ்த்துவது இதுவே முதல் முறை.

ராஜசேகர் இயக்கத்தில், இளையராஜா இசையமைப்பில், ரஜினிகாந்த், அம்பிகா மற்றும் பலர் நடிப்பில் 1985ம் ஆண்டு வெளிவந்த படம் 'படிக்காதவன்'. அப்படத்தில் வைரமுத்து எழுதி யேசுதாஸ் பாடிய 'ஊரைத் தெரிஞ்சிக்கிட்டேன்' பாடல்தான் அந்த 100 மில்லியன் சாதனையைப் படைத்துள்ளது.

அப்பாடல் பல யு டியூப் சேனல்களில் பதிவேற்றப்பட்டிருந்தாலும் தமிழ் சினிமா என்ற சேனலில் 100 மில்லியன் பார்வைகளைக் கடந்துள்ளது.

• 
  அஜித் தோவல் வேடத்தில் மாதவன்
• 
  ரன்வீர் சிங் ஜோடியான சாரா அர்ஜுன்
• 
  இன்ஸ்டாகிராமில் அனைத்து பதிவுகளையும் மொத்தமாக நீக்கிய ரன்வீர் சிங் ; ...
• 
  ராஜமவுலி படம் மூலம் இந்திய திரையுலகிற்கு திரும்புவது உற்சாகம் : ...
• 
  7500 தியேட்டர்களில் வெளியாகும் வார் 2

• 
  பிளாஷ்பேக்: கனவில் அறிமுகமாகி, காலம் இணைத்து வைத்த காதல் மனங்களின் ...
• 
  நயன்தாரா ஆவணப்படத்தில் 'சந்திரமுகி' காட்சிகள்: நஷ்டஈடு கோரி மேலும் ஒரு ...
• 
  கூலி படத்திற்காக இரண்டு ஆண்டுகளாக கடின உழைப்பை போட்ட லோகேஷ் கனகராஜ்
• 
  ‛டிமான்டி காலனி 3' படப்பிடிப்பை தொடங்கிய அஜய் ஞானமுத்து
• 
  முதல் படத்திலேயே அதிர்ச்சி தோல்வியை சந்தித்த சூர்யா சேதுபதி