நடிகை பார்வதி நாயர் மீது வழக்குப்பதிவு: எதற்காக தெரியுமா? | தேவரா 1 - ஆறு காட்சிகள், கூடுதல் கட்டண உயர்வு - அரசு ஆணை | ‛குட் பேட் அக்லி' படத்தில் இணைந்த அர்ஜுன் தாஸ் | 100வது நாளில் விஜய் சேதுபதியின் 'மகாராஜா' | விஜய் சேதுபதி வெப் தொடரில் ஜாக்கி ஷெராப், யோகி பாபு | கொரியன் படத்துக்கு இவ்வளவு கூட்டமா? | அமிதாப் பச்சனுக்கு குரல் கொடுத்த பிரகாஷ் ராஜ் | ‛தக் லைப்' படப்பிடிப்பு நிறைவு : சாட்டிலைட் பிசினஸ் எவ்வளவு தெரியுமா...? | காக்கா கழுகு போய்... கழுதை கதை சொன்ன ரஜினி : ‛வேட்டையன்' இசை வெளியீட்டில் சுவாரஸ்யம் | மாதம் ஒரு பெண் தேடும் மகத்! 'காதலே காதலே' படத்தின் டீசர் வெளியானது!! |
விஜய் நடிப்பில் லோகேஷ் கனகராஜ் இயக்கத்தில் கடந்த வாரம் வெளிவந்த படம் 'லியோ'. இப்படம் உலக அளவில் 400 கோடி வசூலித்துள்ளதாக உலக பாக்ஸ் ஆபீஸ் தகவல்களை வெளியிடும் 'காம்ஸ்கோர்' அறிவித்துள்ளது. உலக அளவில் 48.5 மில்லியன் யுஎஸ் டாலர்களை இப்படம் வசூலித்து உலக பாக்ஸ் ஆபீசின் டாப் 10 பட்டியலில் 3வது இடத்தைப் பிடித்துள்ளதாகக் குறிப்பிட்டுள்ளது. இந்திய ரூபாய் மதிப்பில் சுமார் 402 கோடி ரூபாய்.
மேலும், தமிழகத்தில் இப்படம் ரூ.100 கோடி வசூலைக் கடந்து ரூ.108 கோடி வசூலித்துள்ளதாக இங்குள்ள பாக்ஸ் ஆபீஸ் வட்டாரங்கள் தெரிவிக்கின்றன. தெலுங்கில் மட்டும் 3 நாட்களில் ரூ.32 கோடி வசூலை இப்படம் கடந்துள்ளதாக அங்கு படத்தை வெளியிட்ட நிறுவனம் அதிகாரப்பூர்வமாக அறிவித்துள்ளது. அது போல கர்நாடகாவில் 4 நாட்களில் ரூ.25 கோடி வசூலைக் கடந்துள்ளதாக அங்கிருந்து வரும் தகவல்கள் தெரிவிக்கின்றன. அது போல கேரளாவிலும் ரூ.25 கோடி வசூலைக் கடந்திருக்கும் என்று சொல்கிறார்கள். தென்னிந்தியாவில் மட்டுமே இப்படம் ரூ.180 கோடி வசூலித்திருக்கலாம் என்பது முதல் கட்டத் தகவலாக உள்ளது.
படத் தயாரிப்பு நிறுவனம் முதல் நாள் வசூல் தொகையை மட்டும் அறிவித்து, அதன்பின் அறிவிக்கவில்லை. இனியாவது வசூல் தொகையை அதிகாரப்பூர்வமாக அறிவிப்பார்களா என ரசிகர்கள் காத்திருக்கிறார்கள்.