Dinamalar

அம்மாவுக்கு புற்றுநோய் : மேடையில் கண்கலங்கிய பிரியா பவானி சங்கர்

தமிழ் சினிமாவில் இளம் முன்னணி நடிகைகள் பட்டியலில் பிரியா பவானி சங்கர் தனக்கென ஒரு இடம் பிடித்து விட்டார். சீரான இடைவெளிகளில் அவரது படங்கள் தொடர்ந்து வெளியாகி வருகின்றன. அடுத்ததாக கைவசம் ஆறு படங்களை தன்னிடம் வைத்திருக்கிறார் பிரியா பவானி சங்கர். இந்த நிலையில் சமீபத்தில் சென்னை நுங்கம்பாக்கத்தில் நடைபெற்ற புற்றுநோய் விழிப்புணர்வு கருத்தரங்கில் சிறப்பு விருந்தினராக கலந்து கொண்டார் பிரியா பவானி சங்கர்.

இந்த நிகழ்ச்சியில் அவர் வெறுமனே இது குறித்த விழிப்புணர்வு ஏற்படுத்தும் ஒரு நடிகையாக மட்டும் கலந்து கொள்ளாமல் புற்றுநோய் பாதிப்புக்கு ஆளான ஒரு தாயின் மகளாகவும் தனது உணர்வுகளையும் அனுபவத்தையும் பகிர்ந்து கொள்வதற்காகவே வந்திருந்தார் என்பது அவரது பேச்சிலிருந்து தெரிந்தது.

இந்த நிகழ்வில் அவர் பேசும்போது, கடந்த வருடம் தனது தாய்க்கு கேன்சருக்கான அறிகுறிகள் இருப்பது கண்டுபிடிக்கப்பட்டு ஆரம்ப நிலையில் இருப்பதால் முற்றிலும் குணப்படுத்தி விட முடியும் என மருத்துவர்கள் நம்பிக்கை தெரிவித்தார்கள். தொடர்ந்து தனது தாய்க்கு அவர் எந்த அளவு மன உறுதி தரும் விதமாக நடந்து கொள்ள வேண்டிய இருந்தது என்பதையும் மருத்துவர்கள் சொன்ன விஷயங்கள் அனைத்தையும் முறையாக கடைபிடித்ததையும் கூறியவர் புற்றுநோய் பாதிப்புக்கு ஆளானவர்கள் முழுதாக மருத்துவர்களையும் மருத்துவமனைகளையும் நம்ப வேண்டியதன் அவசியத்தையும் எடுத்துரைத்தார். தனது தாய் புற்றுநோய் தாக்கம் காரணமாக அவதிப்பட்டார் என்பதை கூறும் போது தன்னை அறியாமல் மேடையிலேயே கண்கலங்கினார் பிரியா பவானி சங்கர்.

• 
  நான் விளம்பரப்படுத்தியது குட்காவை அல்ல ஏலக்காயை.. சல்மான் கான் சமாளிப்பு ...
• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி

• 
  அரசுக்கே 'ஆப்பு' அடிக்கப்பார்த்த ஆர்.கே.செல்வமணி: முறைகேடுகளை மறைக்க ...
• 
  மன வருத்ததுடன் பாலிவுட் பக்கம் கவனத்தை திருப்பும் ராஷி கண்ணா ; காரணம் ...
• 
  பிளாஷ்பேக்: ஒரே மாதிரியான கதை... வென்றவர் பி ஆர் பந்துலு... வீழ்ந்தவர் கவிஞர் ...
• 
  பொதுவெளியில் எப்படி பேசுவது என்று எனக்குத் தெரியவில்லை ; விநாயகன் பளிச்
• 
  தென்னிந்திய படங்களை தவிர்ப்பது ஏன் ? மனம் திறந்த சுனில் ஷெட்டி