Dinamalar

அமெரிக்கா, யுகே-வில் 'துணிவு' ஜனவரி 11ல் வெளியீடு

வினோத் இயக்கத்தில், ஜிப்ரான் இசையமைப்பில், அஜித், மஞ்சு வாரியர் மற்றும் பலர் நடித்துள்ள 'துணிவு' படம் பொங்கலுக்கு வெளியாகும் என்றுதான் இதுவரை அறிவிக்கப்பட்டுள்ளது. எந்தத் தேதியில் வெளியாகும் என்ற அறிவிப்பு இன்னும் வெளியிடப்படவில்லை.

இதனிடையே, படத்தை வெளிநாடுகளில் வெளியிடும் உரிமையைப் பெற்றுள்ள லைக்கா நிறுவனம் அமெரிக்கா, யுகே நாடுகளில் 'துணிவு' படம் ஜனவரி 11ம் தேதி வெளியாகும் என்ற அறிவிப்பை போஸ்டருடன் டுவீட் செய்துள்ளது. பொதுவாக இந்தியாவில் குறிப்பிட்ட தினத்தில் காலையில் வெளியானால், அமெரிக்க நேரப்படி ஒரு நாள் முன்னதாக அங்கு வெளியாகும். அப்படிப் பார்த்தால் ஜனவரி 12ம் தேதியன்று இந்தியாவில் 'துணிவு' வெளியாகும் எனத் தெரிகிறது.

தேதியுடன் கூடிய இந்திய வெளியீடு பற்றிய அதிகாரப்பூர்வ அறிவிப்பு வெளியாகாத நிலையில், அமெரிக்கா, யுகே வெளியீடு பற்றிய அறிவிப்பு முதலில் வெளியாகியுள்ளது. அது போலவே விஜய் நடித்து பொங்கலுக்கு வெளியாகும் என்று அறிவிக்கப்பட்டுள்ள 'வாரிசு' படம் அமெரிக்காவில் ஜனவரி 12 வெளியாகும் என அதன் அமெரிக்க வினியோகஸ்தர் இரண்டு வாரங்களுக்கு முன்பு அறிவித்திருந்தார்.

இரண்டு படங்களின் வெளிநாட்டு வெளியீட்டுத் தேதிப்படி பார்த்தால் 'துணிவு' படம் ஜனவரி 12ம் தேதியும், 'வாரிசு' படம் ஜனவரி 13ம் தேதியும் தமிழகத்தில் வெளியாகலாம்.

• 
  என் வாழ்க்கையில் திருப்புமுனையை ஏற்படுத்தியவர் ரஜினிகாந்த் ; பாலிவுட் ...
• 
  மகா காலேஸ்வரர் கோவிலில் தரிசனம் செய்த சாரா அர்ஜுன்
• 
  மும்பை திரையரங்குகளில் 300 கோடியை தாண்டிய முதல் இந்திய திரைப்படம் ...
• 
  'துரந்தர்-2 'படத்திற்கு தடைவிதிக்க : நீதிமன்றம் மறுப்பு
• 
  ரன்வீருக்கு 250 லுக், துரந்தருக்கு 10,000 உடைகள் : ஆடை வடிவமைப்பாளருக்கு நன்றி ...

• 
  'காக்கி சர்க்கஸ்' இயக்குனர் தான் என் காதலர் ; மனம் திறந்த நடிகை
• 
  ஆஷா போஸ்லே மறைவு; அரசியல் தலைவர்கள் முதல் சினிமா பிரபலங்கள் வரை இரங்கல்
• 
  என்டிஆர், நீல் படத்தில் பிரபல பாலிவுட் நடிகர்!
• 
  மாதவிடாய் பெரிய பிரச்னையாக ஆக இருக்க கூடாது! - நடிகை ஸ்ரீ லீலா
• 
  'சேயோன்' படத்தில் பாக்ய ஸ்ரீ போர்ஸ்!