Dinamalar

விஜய் கனிஷ்கா, மற்றுமொரு 'விஜய்' நடிகர் அறிமுகம்

தமிழ் சினிமாவில் ஒரே பெயரில் அதிக பிரபலமில்லாத சில நடிகர்கள், இயக்குனர்கள் இருக்கிறார்கள். ஆனால், தமிழில் தற்போதைய வசூல் நடிகர்களில் முதன்மையானவராகக் கருதப்படும் நடிகர் விஜய்.

இந்த 'விஜய்' என்ற பெயரை தங்களது முதல் பெயராகவோ, இடைப் பெயராகவோ வைத்துள்ள பல நடிகர்கள் ஏற்கெனவே இருக்கிறார்கள். விஜய் சேதுபதி, விஜய் ஆண்டனி, விஜய் வசந்த், விஜய் யேசுதாஸ் உள்ளிட்ட பல நடிகர்களும் 'விஜய்' என ஆரம்பிக்கும் இயக்குனர்கள், இசையமைப்பாளர்கள் எனப் பலரும் இருக்கிறார்கள்.

அந்த வரிசையில் தற்போது மற்றுமொரு விஜய் அறிமுகமாக உள்ளார், அவர் விஜய் கனிஷ்கா. தமிழ்த் திரையுலகில் பல வெற்றிப் படங்களைக் கொடுத்த இயக்குனர் விக்ரமனின் மகன். கேஎஸ் ரவிக்குமார் தயாரிப்பில் விஜய் கனிஷ்கா கதாநாயகனாக அறிமுகமாகும் 'ஹிட் லிஸ்ட்' படம் இன்று ஆரம்பமாக உள்ளது. இந்தப் படத்தில் சரத்குமாரும் ஒரு முக்கிய கதாபாத்திரத்தில் நடிக்கிறார். சூர்யகதிர் - கார்த்திகேயன் இயக்குகிறார்கள்.

தனது சிஷ்யர் கேஎஸ் ரவிக்குமார் தயாரிப்பிலும், தனது இயக்கத்தில் வந்த சூப்பர் ஹிட் படமான 'சூர்ய வம்சம்' படத்தில் கதாநாயகனாக நடித்த சரத்குமார் உடன் நடிக்க தனது மகன் விஜய் கனிஷ்காவை அறிமுகப்படுத்துகிறார் விக்ரமன். இன்று இப்படத்தின் பூஜை சென்னையில் நடைபெற உள்ளது.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  லாயராக அதுல்யா ரவி, மீனவனாக நான் : டீசல் ரகசியம் சொல்லும் ஹரிஷ் கல்யாண்
• 
  காதல், நகைச்சுவை கதைகளில் நடிக்க ஆர்வமாக இருக்கும் ருக்மணி வசந்த்
• 
  விண்வெளியில் நான்காவது திருமணம் செய்கிறாரா ஹாலிவுட் நடிகர் டாம் குரூஸ்
• 
  அஜித் 64வது படத்தின் அறிவிப்பு எப்போது? : ஆதிக் ரவிச்சந்திரன் தகவல்
• 
  ஓடிடிக்கு வருகிறது லோகா சாப்டர் 1