Dinamalar

முதல் நாளில் நன்றாக வசூலித்த 'டாக்டர் ஸ்ட்ரேன்ஜ்'

மார்வெல் ஸ்டுடியோஸ் தயாரிப்பான 'டாக்டர் ஸ்ட்ரேன்ஜ்' படம் நேற்று இந்தியாவில் ஹிந்தி, தமிழ், தெலுங்கு, கன்னடம், மலையாளம் ஆகிய மொழிகளில் வெளியானது. மார்வெல் படம் என்றாலே சிறுவர்களுக்கு மிகவும் பிடிக்கும்.

'அவஞ்சர்ஸ்' கதாபாத்திரங்களில் ஒன்றான 'டாக்டர் ஸ்ட்ரேன்ஜ்' கதாபாத்திரத்தின் இரண்டாவது பாகப் படம் இது. இந்தப் படத்திற்கு எதிர்பார்த்த அளவிற்கு இந்தியாவில் வசூல் கிடைத்துள்ளது. நேற்று முதல் நாளில் மட்டும் 27 கோடி ரூபாய் வசூலித்துள்ளது. இன்றும் நாளையும் விடுமுறை தினம் என்பதால் 100 கோடி ரூபாய் வசூலை அள்ளிவிடும் என்கிறார்கள்.

கடந்த சில வருடங்களாக ஹாலிவுட் படங்களும் இந்தியாவில் நல்ல வசூலைக் குவிக்கின்றன. அந்த விதத்தில் 'டாக்டர் ஸ்ட்ரேன்ஜ்' படம் முதல் நாளில் அதிக வசூலைக் குவித்த ஹாலிவுட் படங்களில் நான்காவது இடத்தைப் பிடித்துள்ளது. 2019ல் வெளிவந்த 'அவஞ்சர்ஸ் என்ட்கேம்' 53 கோடி வசூலுடன் முதலிடத்திலும், 2021ல் வெளிவந்த 'ஸ்பைடர் மேன்' படம் 32 கோடியுடன் இரண்டாவது இடத்திலும், 2018ல் வெளிவந்த 'அவஞ்சர்ஸ் இன்பினிட்டி வார்' படம் 31 கோடியுடன் மூன்றாவது இடத்திலும் உள்ளன.

• 
  அதிவேக சாதனையில் 'பதான்'
• 
  அமெரிக்காவில் ஆர்.ஆர்.ஆர் சாதனையை முறியடித்த பதான்
• 
  100 கோடி வசூலில் 'ஹாட்ரிக்' அடித்த 'பதான்'
• 
  செல்பி எடுக்க முயன்ற ரசிகரின் செல்போனை தூக்கி எறிந்த ரன்பீர் கபூர்
• 
  இரண்டே நாளில் 200 கோடி வசூலித்த 'பதான்'

• 
  பழனியில் நடிகை அமலாபால் வழிபாடு
• 
  ஷாங்காய் திரைப்பட விழாவில் அப்பத்தா
• 
  நான் எப்போதுமே காமெடியன்தான்: யோகி பாபு
• 
  பான் இந்தியா படமான தக்ஸ்
• 
  'சந்திரமுகி 2' அப்டேட் கொடுத்த கங்கனா ரணவத்