Dinamalar

விஜய் - யுவன் திடீர் சந்திப்பு : ரசிகர்கள் ஆவல்

விஜய் நடித்த படங்களுக்கு இளையராஜா, தேவா, வித்யாசாகர், ஏ.ஆர்.ரஹ்மான், அனிருத் என பலரும் இசையமைத்து வந்துள்ள நிலையில், யுவன்சங்கர் ராஜாவுக்கு அந்த வாய்ப்பு அதிகமாக கிடைக்கவில்லை. விஜய் நடித்து 2003 ஆம் ஆண்டு வெளியான புதிய கீதை என்ற ஒரே ஒரு படத்திற்கு மட்டுமே அவர் இசையமைத்துள்ளார்.

அதேசமயம் அஜித் நடிப்பில் தீனா, பில்லா, பில்லா 2, ஆரம்பம், நேர்கொண்டபார்வை, வலிமை என பல படங்களுக்கு இசை அமைத்து ஹிட் படங்களைக் கொடுத்திருக்கிறார் யுவன் சங்கர் ராஜா. இப்படியான நிலையில் தற்போது விஜய்யுடன் இணைந்து எடுத்துக்கொண்ட புகைப்படத்தை வெளியிட்டுள்ளார் யுவன்.

தற்போது அவர் விஜய்யுடன் இணைந்து எந்த படத்திலும் பணியாற்றாதபோதும் திடீரென்று அவருடன் இணைந்து எடுத்துக் கொண்ட புகைப்படத்தை யுவன் சங்கர் ராஜா வெளியிட்டிருப்பதால் அடுத்தபடியாக விஜய் நடிக்கும் ஏதேனும் புதிய படத்திற்கு இசையமைக்க யுவன் ஒப்பந்தமாகி இருக்கிறாரா? என்கிற கேள்வியும், எதிர்பார்ப்பும் எழுந்துள்ளது.

சிலர் பீஸ்ட் படத்தில் அனிருத் இசையில் யுவன் ஒரு பாடல் பாடியிருப்பார் என தெரிவித்து வருகின்றனர். இன்னும் சிலரோ மீண்டும் லோகேஷ் உடன் விஜய் இணையும் படத்தில் இவர் இசையமைக்கலாம் என கூறி வருகின்றனர். ஆக, விஜய் -யுவன் சங்கர் ராஜா இருவரும் 18 ஆண்டுகளுக்குப் பிறகு மீண்டும் இணைவார்களா? என்பதை பொறுத்திருந்து பார்ப்போம்.

• 
  'சங்கராந்திகி வஸ்துனம்' ரீமேக்கில் அக்ஷய்குமார்
• 
  'பார்டர்-2' படத்துடன் வெளியாகும் துரந்தர் -2 படத்தின் டீசர்!
• 
  மீண்டும் ஷாருக்கானுடன் இணையும் அட்லி: 'டான் 3'ஐ இயக்குகிறாரா?
• 
  கார் பயணத்தின் போது 20 வருடங்களாக இந்த இரண்டு விஷயங்களை கவனமாக ...
• 
  துரந்தர் 2 ஒத்தி வைக்கப்படவில்லை : வதந்திக்கு முற்றுப்புள்ளி வைத்த ...

• 
  மீண்டும் வருகிறோம்- மங்காத்தா படப்பிடிப்பு புகைப்படங்களை வெளியிட்ட ...
• 
  ஜனவரி 23ல் ஓடிடியில் வெளியாகும் தனுஷின் தேரே இஸ்க் மெய்ன்!
• 
  விஜய் ஆண்டனி, ஜிவி பிரகாஷ்குமார் வரிசையில் கங்கை அமரன், தேவிஸ்ரீ பிரசாத்
• 
  25 ஆண்டுகளுக்கு பின் மறுமணமா : பார்த்திபனின் 'நச்' பதில்
• 
  ஜனநாயகன் வழக்கில் தீர்ப்பு ஒத்திவைப்பு; நீதிமன்ற முழு வாதங்கள் இதோ...