Dinamalar

போட்டியின்றி இணைச் செயலாளராக தேர்வான் ‛திரிஷ்யம்' நடிகை

மலையாள திரையுலக நடிகர் சங்கம் 'அம்மா' என்கிற பெயரில் செயல்பட்டு வருகிறது. கடந்த வருடம் நீதிபதி ஹேமா கமிஷன் அறிக்கை வெளியாகி அதன் காரணமாக நடிகர் சங்கத்தைச் சேர்ந்த பலர் குற்றச்சாட்டுகளுக்கு ஆளாகினர். அதற்கு தார்மீக பொறுப்பேற்ற சங்க தலைவரான மோகன்லால், நிர்வாகிகள் பலரோடு ராஜினாமா செய்தார். இதனை தொடர்ந்து தற்போது வரும் ஆகஸ்ட் 15ஆம் தேதி நடிகர் சங்கத்திற்கு புதிய தேர்தல் நடைபெற உள்ளது. இந்த சங்கத்தின் தலைவர் பதவிக்கு நடிகை ஸ்வேதா மேனன் மற்றும் வில்லன் நடிகர் தேவன் என இருவர் போட்டியில் இருக்கின்றனர். இதில் மோகன்லால், மம்முட்டி ஆதரவு பெற்ற ஸ்வேதா மேனன் தலைவராக வாய்ப்பு இருப்பதாக சொல்லப்படுகிறது.

இந்த நிலையில் மற்ற பொறுப்புகளுக்கு போட்டியிடும் வேட்பாளர்களின் பெயர் பட்டியல் வெளியிடப்பட்டது.. ஆச்சரியமாக இதில் இணை செயலாளர் பதவிக்கு போட்டியின்றி தேர்ந்தெடுக்கப்பட்டுள்ளார் நடிகை அன்சிபா ஹாசன். இவர் திரிஷ்யம் படத்தில் மோகன்லாலின் மூத்த மகளாக நடித்து புகழ்பெற்றவர். கடந்த பல வருட காலமாகவே நடிகர் சங்க செயல்பாடுகளில் தொடர்ந்து தன்னை ஈடுபடுத்திக் கொண்டு வருகிறார் அன்சிபா ஹாசன். அந்த வகையில் தேர்தல் நடப்பதற்கு முன்பே இவர் போட்டியின்றி தேர்ந்தெடுக்கப்பட்டுள்ளது மலையாள திரையுலகில் ஆச்சரியத்தை ஏற்படுத்தி உள்ளது.

• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3

• 
  ஆகஸ்ட் 3 முதல் மலையாள பிக்பாஸ் சீசன்-7 துவக்கம்
• 
  பரிசு அறிவிப்பதில் நடந்த குளறுபடி : மேடையில் கண்ணீர் விட்டு அழுத நடிகை
• 
  இலங்கை சுற்றுப்பயணத்தில் கூட்டத்தில் ஒருவனாக மாறிய மகேஷ்பாபு
• 
  எதிர்ப்பு வலுத்ததால் நடிகர் சங்க போட்டியில் இருந்து விலகிய வில்லன் ...
• 
  சோசியல் மீடியாவில் 7 ஆண்டுகளாக அவதூறு பரப்பிய பெண்ணை அடையாளப்படுத்திய ...