அதர்வா ஜோடியான நிமிஷா சஜயன்

மலையாள சினிமாவில் "நடிப்பு ராட்சசி" என்ற பெயரை பெற்றவர் நிமிஷா சஜயன். அவர் நடித்த தி கிரேட் இண்டியன் கிச்சன், நாயாட்டு படங்களின் மூலம் தமிழ் ரசிகர்களுக்கும் அறிமுகமானார். "சித்தா" படத்தின் மூலம் தமிழில் அறிமுகமான அவர் தற்போது "மிஷன் சேப்டர் ஒன்" படத்தில் நடித்து முடித்துள்ளார். அந்த படம் இன்னும் வெளிவரவில்லை. இந்த நிலையில் அதர்வா ஜோடியாக "டிஎன்ஏ" படத்தில் நடித்து வருகிறார்.

இந்த படத்தை "டாடா" படத்தை தயாரித்த ஒலிம்பியா பிக்சர்ஸ் அம்பேத் குமார் தயாரிக்கிறார். மான்ஸ்டர், ஒரு நாள் கூத்து, பர்ஹானா படங்களை இயக்கிய நெல்சன் வெங்கடேசன் இயக்குகிறார். பார்த்திபன் ஒளிப்பதிவு செய்கிறார், படத்தின் பணிகள் இறுதிகட்டத்தை நெருங்கி உள்ளது. அதர்வாவின் பிறந்தநாளை முன்னிட்டு நேற்று முதல் பார்வை வெளியிடப்பட்டது. மற்ற விபரங்கள் விரைவில் அறிவிக்கப்பட இருக்கிறது.