ஹிந்தி பட இயக்குநர் வீட்டில் துப்பாக்கி சூடு : 5 பேர் கைது

நீங்கள் இங்கே இருக்கிறீர்கள்: முகப்பு » பாலிவுட் செய்திகள் »

02 பிப், 2026 - 10:52 IST

எழுத்தின் அளவு:

Shooting-at-Hindi-film-directors-house-5-arrested

மும்பை : மும்பையில் உள்ள பிரபல ஹிந்தி பட இயக்குநர் ரோஹித் ஷெட்டியின் வீடு மீது, மர்ம நபர்கள் துப்பாக்கி சூடு நடத்தினர். இதில் தொடர்புடைய 5 பேர் கைதாகி உள்ளனர்.

பிரபல ஹிந்தி சினிமா இயக்குநர் ரோஹித் ஷெட்டி; சிங்கம், கோல்மால் போன்ற படங்களை இயக்கியுள்ளார். ஷாருக்கான் நடித்த சென்னை எக்ஸ்பிரஸ் என்ற படத்தை இயக்கினார். மஹாராஷ்டிராவின் மும்பை ஜுஹூ பகுதியில் உள்ள இவரது வீட்டின் மீது, நேற்று அதிகாலை மர்ம நபர்கள் துப்பாக்கியால் நான்கு முறை சுட்டனர். அப்போது, இயக்குநர் ஷெட்டி வீட்டில் இருந்தாரா என தெரியவில்லை.

எனினும் துப்பாக்கி சூட்டில் அதிர்ஷ்டவசமாக யாருக்கும் காயம் ஏற்படவில்லை. துப்பாக்கி சூடு குறித்து தகவல் அறிந்த போலீசார் சம்பவ இடத்துக்கு கைரேகை நிபுணர்களுடன் விரைந்து சென்று தடயங்களை சேகரித்தனர். மேலும், அருகே பொருத்தப்பட்டுள்ள 'சிசிடிவி' பதிவுகளை ஆய்வு செய்தனர். துப்பாக்கி சூடு சம்பவம் குறித்து போலீசார் வழக்கு பதிவு செய்து விசாரிக்கின்றனர்.

இதனிடையே இந்த துப்பாக்கி சூட்டிற்கு லாரன்ஸ் பிஷ்னாயி கேங் பொறுப்பேற்றுள்ளது. மேலும் இது தொடர்பாக ஆனந்த் மராத்தே, ஆதித்யா கெய்னேஸ்வர் சித்தார்த் தீபக், சாம்ராட் ஷிவ்சரண், ஸ்வப்னில் பந்து ஆகிய ஐந்து பேரை போலீசார் கைது செய்து அவர்களிடம் விசாரணை மேற்கொண்டுள்ளனர்.

Rohitshetty

ரோகித்ஷெட்டி

கருத்துகள் (0) கருத்தைப் பதிவு செய்ய

'பூத் போலீஸ் 2' படத்தை இயக்கும் ...

இது புதிய இந்தியா : துரந்தர் 2 ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய