Dinamalar

ஷாரூக்கானின் ‛டன்கி' டிரைலர் வெளியீடு

பாலிவுட்டின் முன்னணி நடிகர் ஷாரூக்கான். இந்தாண்டில் இவரது நடிப்பில் பதான், ஜவான் என இரு படங்கள் வெளியாகி, இரண்டுமே ஆயிரம் கோடிக்கு மேல் வசூலித்து சாதனை படைத்தது. அடுத்து இம்மாதம் இவரின் ‛டன்கி' படம் வெளியாகிறது. முன்னாபாய் எம்பிபிஎஸ், 3 இடியட்ஸ், பிகே, சஞ்சு போன்ற படங்களை இயக்கிய ராஜ்குமார் ஹிரானி இயக்கி உள்ளார். டாப்ஸி பன்னு, விக்கி கவுஷல், விக்ரம் கோச்சார், அனில் குரோவர், போமன் இரானி ஆகியோர் முதன்மை வேடங்களில் நடித்துள்ளனர்.

இதன் டிரைலர் இன்று(டிச., 5) வெளியாகி உள்ளது. அதில் ஷாரூக், விக்கி கவுசல், டாப்ஸி உள்ளிட்ட 5 நண்பர்கள் இங்கிலாந்து செல்ல ஆசைப்படும் இவர்களின் முயற்சியே கதை. ஆங்கிலம் சரியாக தெரியாததால் இவர்களுக்கு விசா மறுக்கப்பட சட்டவிரோதமாக எல்லை தாண்டி இங்கிலாந்து செல்ல முயற்சிக்கிறார்கள். அதில் அவர்கள் சந்திக்கும் இன்னல்களும், வாழ்க்கை போராட்டமும் தான் கதை என டிரைலரை பார்க்கும்போது புரிகிறது. ஷாரூக்கானின் முந்தைய இரண்டு படங்கள் அதிரடி ஆக் ஷனாக வெளிவந்த நிலையில் இந்த படம் ஆக்ஷனில் இருந்து விலகி யதார்த்த படமாக உருவாகி உள்ளது.

ராஜ்குமார் ஹிரானி - ஷாரூக் கூட்டணியில் உருவாகி உள்ள முதல் படம் இது. அதனால் படம் மீது எதிர்பார்ப்பு அதிகம் உள்ளது. மேலும் ஷாரூக்கிற்கு இந்த படமும் வெற்றி பெற்றால் ஒரே ஆண்டில் ஹாட்ரிக் வெற்றியாக அமையும். அது நடக்குமா என்பது இம்மாதம் டிச., 21ல் தெரிந்துவிடும்.

• 
  பிறந்தநாளில் பிரமாதம்: உடல் உறுப்புகளை தானம் செய்தார் டி.இமான்
• 
  பிளாஷ்பேக் : கடைசி வரை அப்பா, தாத்தாவாக நடித்த வி.எஸ்.ராகவன்
• 
  துணை நடிகர் ஜெயசீலன் காலமானார்
• 
  பிளாஷ்பேக் : தேசிய விருதை இழந்த மீனா
• 
  விஷால் உடல்நலம் குறித்து அவதூறு : 3 யு-டியூப் சேனல்கள் மீது வழக்கு

• 
  கும்பமேளாவில் பாசி மணி ஊசி விற்றவர் : சினிமா நடிகை ஆகிறார் மோனலிசா
• 
  15 ஆயிரம் கோடி குடும்ப சொத்தை இழக்கிறார் சைப் அலிகான்
• 
  எப்போதுமே டிவி சீரியல்களில் நடிக்க மாட்டேன்: நடிகை சுமன் ராணா ...
• 
  உயிரை காத்த ஆட்டோ ஓட்டுநரை சந்தித்து கவுரவித்த சைப் அலிகான்
• 
  வீட்டிற்கு பாதுகாப்பை பலப்படுத்தும் சைப் அலிகான்