Dinamalar

ஏப்., 22ல் விஷ்ணு விஷால் - ஜுவாலா கட்டா திருமணம்

பாட்மின்டன் வீராங்கனை ஜுவாலா கட்டாவை ஏப்., 22ல் திருமணம் செய்ய இருக்கிறார் நடிகர் விஷ்ணு விஷால். இதற்கான அறிவிப்பு வெளியாகி உள்ளது.

தமிழ் சினிமாவில் வளர்ந்து வரும் முன்னணி நடிகர் விஷ்ணு விஷால். தற்போது எப்.ஐ.ஆர்., மோகன்தாஸ், இன்று நேற்று நாளை 2 படங்களில் நடித்து வருகிறார். நடிகர் ரஜினியின் நெருங்கிய நண்பரும், நடிகருமான நட்ராஜின் மகள் ரஜினியை திருமணம் செய்த விஷ்ணு விஷால், 2018ல் விவாகரத்து பெற்று அவரை பிரந்தார். இதன்பின் பாட்மின்டன் வீராங்கனை ஜுவாலா கட்டாவுடன் நெருக்கமானார் விஷ்ணு விஷால். இருவரும் நெருக்கமான இருக்கும் போட்டோக்களை சமூகவலைதளத்தில் வெளியிட்டு வந்தனர். ஆனால் தங்களது காதலை வெளிப்படுத்தாமல் இருந்தனர். சமீபத்தில் விஷ்ணு விஷாலின் காடன் படம் வெளியானது. இது தொடர்பான புரொமோஷன் நிகழ்ச்சிகளில் பங்கேற்றபோது தான் ஜுவாலாவை விரைவில் திருமணம் செய்யபோவதாக அறிவித்தார் விஷ்ணு.

இந்நிலையில் வரும் ஏப்., 22ல் இவர்களது திருமணம் நடைபெறுகிறது. இதுதொடர்பாக விஷ்ணு - ஜுவாலா வெளியிட்ட அறிக்கையில், ‛‛எங்கள் குடும்பத்தினரின் ஆசீர்வாதத்துடன் ஏப்., 22ல் நாங்கள் திருமணம் செய்ய இருக்கிறோம் என்பதை அனைவரிடமும் பகிர்ந்து கொள்வதில் மகிழ்ச்சி கொள்கிறோம். இவ்வளவுகாலம் எங்கள் மீது நீங்கள் பொழிந்த அன்புக்கு நன்றி'' என தெரிவித்துள்ளனர்.

ஜுவாலா கட்டாவும் ஏற்கனவே விவாகரத்து ஆனவர் தான். சக பாட்மின்டன் வீரர் சேட்டன் ஆனந்த்தை 2005ல் திருமணம் செய்தார். பின் 2011ல் இருவரும் விவாகரத்து பெற்று பிரிந்தனர் என்பது குறிப்பிடத்தக்கது.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  ‛ஸ்பிரிட்' படத்தை துவங்கி வைத்த சிரஞ்சீவி!
• 
  அம்மாவை அவமானப்படுத்தியதால் பென்ஸ் கார் வாங்கிய மிருணாள் தாக்கூர்!
• 
  பிரதீப் ரங்கநாதனின் ‛எல்ஐகே' படத்தின் செகண்ட் சிங்கிள் எப்போது?
• 
  ஜூனியர் என்டிஆரை வைத்து பான் இந்திய படம் இயக்கும் ரிஷப் ஷெட்டி!
• 
  10 கிலோ வெயிட் குறைத்தது எப்படி? கீர்த்தி சுரேஷ் வெளியிட்ட தகவல்