Dinamalar

ஒரேமாதத்தில் மற்றொரு ‛வெண்ணிலா கபடிக்குழு' பட நடிகர் 'மாயி' சுந்தர் காலமானார்

வெண்ணிலா கபடிக்குழு உள்ளிட்ட படங்களில் நடித்த நடிகர் ‛மாயி' சுந்தர்(வயது 50) இன்று(டிச., 24) உடல்நலக் குறைவால் காலமானார்.

திருவாரூர் மாவட்டம், மன்னார்குடியை சேர்ந்தவர் சுந்தர். மாயி படத்தில் நடித்ததன் மூலம் ‛மாயி' சுந்தர் என அறியப்பட்டார். தொடர்ந்து துள்ளாத மனமும் துள்ளும், வெண்ணிலா கபடிக்குழு, குள்ளநரி கூட்டம், மிளகாய், சிலுக்குவார் பட்டி சிங்கம், கட்டா குஸ்தி, கட்சிக்காரன் என ஐம்பதுக்கும் மேற்பட்ட படங்களில் காமெடி மற்றும் குணச்சித்திர வேடங்களில் நடித்துள்ளார்.

சொந்த ஊரான மன்னார்குடியில் மஞ்ச காமாலை நோய்க்காக, சிகிச்சை பெற்று வந்தார். இந்நிலையில் சிகிச்சை பலனின்றி இன்று(டிச.,24) அதிகாலை 2:45 மணிக்கு காலமானார். சுந்தர் திருமணம் ஆகாதவர். சொந்த ஊரில் அவரது இறுதிச்சடங்கு நடக்கிறது.

ஒரே படத்தை சேர்ந்த மூன்று பேர் மறைவு
இம்மாதம் துவக்கத்தில் தான் வெண்ணிலா கபடிக்குழு படத்தில் நடித்த ஹரி வைரவன் உடல்நலம் குன்றி மறைந்தார். இப்போது அதே படத்தில் நடித்த மற்றொரு நடிகரான ‛மாயி' சுந்தரும் காலமானார். கடந்தாண்டு கொரோனா பிரச்சனையால் இந்த படத்தில் நடித்த மற்றொரு நடிகரான நிதீஷ் வீராவும் மரணம் அடைந்தார். ஒரே படத்தில் நடித்த மூன்று நடிகர்கள் மறைந்தது திரையுலகினர் இடையே சோகத்தை ஏற்படுத்தி உள்ளது.

• 
  ஆளே இல்லாத வீட்டிற்கு ஒரு லட்சம் கரண்ட் பில் : கங்கனா ஏற்படுத்திய ...
• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...

• 
  பிரபாஸ் படத்திலிருந்து நீக்கப்பட்டாரா ராஷ்மிகா?
• 
  விஜய் சேதுபதி படத்தில் தபு : அதிகாரப்பூர்வ அறிவிப்பு
• 
  கண்ணப்பா படத்தின் புதிய ரிலீஸ் தேதி அறிவிப்பு
• 
  'ரெட்ரோ'வில் 90களின் காதல் கதை : கார்த்திக் சுப்பராஜ் தகவல்
• 
  பிளாஷ்பேக் : இளையராஜாவின் பாடலுக்காக உருவான படம்