Dinamalar

தங்கர் பச்சான் படத்தில் இணைந்த அதிதி பாலன்

தனது மகன் விஜித் பச்சான் நடிப்பில் ‛டக்குமுக்கு திக்கு தாளம்' என்ற படத்தை இயக்கி முடித்துள்ள இயக்குனர் தங்கர்பச்சான், தற்போது ‛கருமேகங்கள் கலைகின்றன' என்ற படத்தை இயக்கி வருகிறார். யோகி பாபு முக்கிய வேடத்தில் நடிக்கும் இந்த படத்தில் இயக்குனர்கள் பாரதிராஜா, கவுதம் மேனன் ஆகியோரும் நடிக்கிறார்கள்.

இந்த நிலையில் தற்போது இப்படத்தில் அருவி படத்தில் நடித்த அதிதி பாலனும் இணைந்திருக்கிறார். ஒரு மாறுபட்ட கதாபாத்திரத்தில் அவர் நடிப்பதாக கூறப்படுகிறது. மேலும் இதற்கு முன்பு தங்கர்பச்சான் இயக்கிய அழகி, சொல்ல மறந்த கதை, பள்ளிக்கூடம் போன்ற படங்கள் வரிசையில் இந்த படமும் ஒரு அழுத்தமான கதையில் உருவாகி வருவதாக கூறப்படுகிறது.

• செய்திகள்
• ஆல்பம்