Dinamalar

'பீஸ்ட்'ஐ தூக்கி 'கேஜிஎப் 2' போடும் தியேட்டர்காரர்கள்

'பீஸ்ட், கேஜிஎப் 2' இரண்டு படங்களின் வெளியீட்டிற்கும் முன்பும் 'பீஸ்ட்' படத்திற்குப் போட்டியாக 'கேஜிஎப் 2' படமா என்ற ஒரு சர்ச்சை எழுந்தது. ஆனால், வெளியீட்டிற்குப் பிறகு 'கேஜிஎப் 2' படத்தை 'பீஸ்ட்' நெருங்கவே முடியாது என்பதுதான் உண்மையாகிப் போனது.

'பீஸ்ட்' படம் முதலில் வந்ததால் அந்தப் படம் பற்றிய பேச்சு ஒரு நாள் இருந்தது. ஆனால், மறுதினமே 'கேஜிஎப் 2' படம் வந்தது. அதன் பிறகு 'கேஜிஎப் 2' படம் பற்றிய பேச்சுத்தான் அதிகமாக இருக்கிறது. சமூக வலைத்தளங்களில் 'கேஜிஎப் 2' படத்தை ரசிகர்கள் கொண்டாடுகிறார்கள்.

இந்தியத் திரையுலகத்தில் ஆக்ஷன் படங்களுக்கென்று ஒரு 'டார்கெட்'ஐ படத்தின் இயக்குனர் பிரசாந்த் நீல் 'பிக்ஸ்' செய்துவிட்டார். இனி, அந்த அளவிற்கு அடுத்து வருபவர்கள் ஆக்ஷன் படமெடுத்தாக வேண்டிய கட்டாயம் வந்துவிட்டது.

'கேஜிஎப் 2' படத்திற்குக் கிடைத்துள்ள வரவேற்பு காரணமாக படம் வெளிவந்த இரண்டு நாட்களுக்குப் பின்னும் பல தியேட்டர்களில் அதிகாலை, காலை சிறப்புக் காட்சிகள் நாளை வரை திட்டமிடப்பட்டுள்ளன. இன்றே சில தியேட்டர்களில் நடு இரவு 1.30 மணிக் காட்சிகள் ஹவுஸ்புல்லாக நடைபெற்றுள்ளது. இந்தப் படத்திற்கு மக்களின் வருகை அதிகமாக இருப்பதால் அனைத்து வரவேற்பையும் பணமாக்க வேண்டும் என்பதால் பல தியேட்டர்கள் சிறப்புக் காட்சிகளை நடத்துகின்றன.

இதனால் 'பீஸ்ட்' படம் ரெகுலர் காட்சிகள் மட்டுமே நடைபெறுகிறது. திங்கள் கிழமை முதல் பெரும்பாலான தியேட்டர்களில் அதன் காட்சிகள் குறைக்கப்படும் என்றும் சொல்கிறார்கள். அதற்குப் பதிலாக 'கேஜிஎப் 2' படத்தைத் திரையிட தியேட்டர்காரர்கள் முடிவு செய்துள்ளார்களாம். பல தியேட்டர்காரர்களும் அவர்களது சமூக வலைத்தளங்களில் 'பீஸ்ட்'ஐ கைவிட்டு, 'கேஜிஎப் 2' படத்தைப் பற்றிய தொடர்ந்து பதிவிட்டு வருவதையும் பார்க்க முடிகிறது.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  லாயராக அதுல்யா ரவி, மீனவனாக நான் : டீசல் ரகசியம் சொல்லும் ஹரிஷ் கல்யாண்
• 
  காதல், நகைச்சுவை கதைகளில் நடிக்க ஆர்வமாக இருக்கும் ருக்மணி வசந்த்
• 
  விண்வெளியில் நான்காவது திருமணம் செய்கிறாரா ஹாலிவுட் நடிகர் டாம் குரூஸ்
• 
  அஜித் 64வது படத்தின் அறிவிப்பு எப்போது? : ஆதிக் ரவிச்சந்திரன் தகவல்
• 
  ஓடிடிக்கு வருகிறது லோகா சாப்டர் 1