சூர்யாவின் கங்குவா குறித்து ஜோதிகா வெளியிட்ட தகவல் | மே 10ல் அஜித் இல்லாமல் தொடங்கும் குட் பேட் அக்லி படப்பிடிப்பு | முதலாவது 4ம் பாகத் திரைப்படம் - அசத்துமா அரண்மனை 4? | விரைவில் 'பாகுபலி' அனிமேஷன் சீரிஸ் | 'சங்கமித்ரா' படம் உருவாகும், சுந்தர் சி நம்பிக்கை | நடனத்தை கிண்டலடித்தவர்களுக்கு உருக்கமாக கோரிக்கை வைத்த ஜிமிக்கி கம்மல் நடிகை | பிரபாஸ் படத்திற்காக மகாபலிபுரத்தில் முகாமிட்டுள்ள தமன் | இல்லாத மகளைப் பற்றி மகன் கேட்டால் என்ன சொல்வேன்? - நவ்யா நாயர் கிண்டல் | ரிவால்வர் ரீட்டா படப்பிடிப்பு நிறைவு | பகலறியான்: ஒரே இரவில் நடக்கும் கதை |
நடிகரும், என்னடி முனியம்மா பாடல் புகழ் பாடகருமான டி.கே.எஸ்.நடராஜன்(87) உடல்நலக் குறைவால் இன்று(மே 5) காலை 6.30 மணிக்கு காலமானார்.
டி.கே.எஸ். கலைக்குழுவில் சேர்ந்து நாடகங்களில் நடித்து வந்த நடராஜன், அந்த குழுவில் இருந்ததால் டி.கே.எஸ்.நடராஜன் என அழைக்கப்பட்டார். தொடர்ந்து மேடை நாடகங்களில் நடித்தும், பாடியும் வந்தார். 1954ல் ரத்த பாசம் என்ற படம் மூலம் சினிமாவில் நடிகராக களமிறங்கினார். தொடர்ந்து சின்ன வேடங்களில் 50 ஆண்டுகளுக்கு மேலாக 500க்கும் மேற்பட்ட படங்களில் நடித்துள்ளார். ஏராளமான மேடை கச்சேரிகளிலும் பாடி உள்ளார்.
1984ம் ஆண்டு சங்கர் கணேஷ் இசையில் வெளியான வாங்க மாப்பிள்ளை வாங்க என்ற படத்தில் இடம் பெற்ற, ‛என்னடி முனியம்மா உன் கண்ணுல மைய்யி' என்ற பாடல் மூலம் இன்னும் பிரபலமானார் நடராஜன். இதேப்போன்று பல நாட்டுப்புற பாடல்களை அவர் பாடி உள்ளார். இதே என்னடி முனியம்மா பாடல் அர்ஜுன் நடித்த வாத்தியர் படத்தில் ரீ-மேக் ஆனது. அதிலும் பாடி, ஆடியிருந்தார் நடராஜன்.
சென்னை மேற்கு சைதாப்பேட்டையில் நடராஜனின் உடல் அஞ்சலிக்காக வைக்கப்பட்டுள்ளது. மாலை 5மணிக்கு அன்னாரது இறுதிச்சடங்கு நடக்கிறது.