Dinamalar

பிரேமம் பாய்ஸை வைத்து படம் தயாரிக்கிறார் அல்போன்ஸ் புத்ரன்..!

'பிரேமம்' படம் வெளியாகி கிட்டத்தட்ட ஒன்றரை வருடங்கள் கடந்துவிட்டது. ஆனாலும் ஒரு பிளாக்பஸ்டர் படத்தை கொடுத்த இயக்குனரான அல்போன்ஸ் புத்ரன் தான் இயக்கும் அடுத்த படத்தை குறித்து இன்னும் வாய் திறக்காதது ஆச்சர்யமாகத்தான் உள்ளது.. மோகன்லாலை வைத்து இயக்கப்போகிறார், மம்முட்டியையும் சிம்புவையும் வைத்து தமிழில் ஒரு படம் இயக்கப்போகிறார் என்றெல்லாம் செய்திகள் அடிபட்டுக்கொண்டு இருக்க, அவரோ அடுத்ததாக இன்னொருவர் டைரக்சனில் தான் ஒரு படம் தயாரிக்கப்போவதாக அறிவித்து புதிய ஆச்சர்யத்தை ஏற்படுத்தியுள்ளார்.

இந்தப்படத்தை இயக்குவது அல்போன்ஸ் புத்ரனின் நெருங்கிய நண்பர்களுள் ஒருவரான மோஷின் காசிம் என்பவர்தான்.. படத்தில் நடிக்கும் நடிகர்களில் முக்கியமானவர்கள் அல்போன்ஸ் புத்ரனின் 'பிரேமம்' படத்தால் லைம் லைட்டுக்கு வந்த ஷிஜு வில்சன், கிருஷ்ணசங்கர், ஷராபுதீன் மற்றும் சபரீஷ் வர்மா ஆகியோர் தான். இதில் ஷிஜு வில்சன், ஷராபுதீன் இருவரும் இணைந்து நடித்த 'ஹேப்பி வெட்டிங்ஸ்' படம் நூறு நாட்கள் ஓடியதால் ரசிகர்களிடம் அவர்கள் பரவலான அறிமுகம் பெற்றுள்ளார்கள்.. 'பிரேமம்' படத்தில் அல்போன்ஸ் புத்ரன் அறிமுகப்படுத்திய, சாய் பல்லவி, மடோனா செபாஸ்டியன், அனுபமா பரமேஸ்வரன் என மூன்று கதாநாயகிகளும் இன்று ரசிகர்களிடையே பிரபலமாகிவிட்டார்கள். அந்தவகையில் இந்தப்படத்திலும் புதுமுக கதாநாயகி தேவை என விளம்பரம் கொடுத்துள்ளார் அல்போன்ஸ் புத்ரன்.

• 
  கடற்கரையில் பிகினியில் நீராடும் கங்குவா நாயகி திஷா பதானி!
• 
  கண்ணப்பா படப்பிடிப்பை நிறைவு செய்த அக்சய் குமார்
• 
  யஷ் படத்திலிருந்து கரீனா கபூர் விலகல்?
• 
  ரசிகருக்கு ரூ 22,000 மதிப்பிலான ஷூ பரிசளித்த ஜான் ஆபிரகாம்
• 
  போஜ்புரி நடிகை தற்கொலை : இறப்புக்கு முன் வெளியிட்ட பதிவு

• 
  மீண்டும் இணைந்த விஜய் தேவரகொண்டா - தில் ராஜூ
• 
  ஹீரோக்களுக்கு எதிராக ஹீரோக்களே வசனம் பேசும் புதிய ட்ரெண்ட்
• 
  திடீரென கதை சர்ச்சையை கிளப்பிய கதாசிரியருக்கு நிவின்பாலி பட ...
• 
  குருவாயூர் அம்பல நடையில் ரிலீஸ் தேதி அறிவிப்பு
• 
  இந்திய டி-20 அணிக்கு தேர்வான கேரள வீரருக்கு பிஜூமேனன் நேரில் வாழ்த்து