Dinamalar

100 நாட்களைக் கடந்த 'ஹனுமான்'

பிரசாந்த் வர்மா இயக்கத்தில், தேஜா சஜ்ஜா, அம்ரிதா ஐயர், வரலட்சுமி சரத்குமார் மற்றும் பலர் நடிப்பில் சங்கராந்தியை முன்னிட்டு வெளிவந்த தெலுங்குப் படம் 'ஹனுமான்'. பான் இந்தியா படமாக வெளிவந்த இந்தப் படம் 300 கோடிக்கும் அதிகமாக வசூலித்தது.

ஓடிடியில் படம் வெளியான பிறகும் தியேட்டர்களில் வரவேற்பு குறையவில்லை. தற்போது படம் 100 நாட்களைக் கடந்துள்ளது. 92 வருட தெலுங்குத் திரையுலக வரலாற்றில் சங்கராந்தியில் வெளிவந்த படங்களில் 'ஆல் டைம் பிளாக்பஸ்டர்' வெற்றியை இந்தப் படம் பெற்றுள்ளது.

அது குறித்து படத்தின் நாயகன் தேஜா சஜ்ஜா, “நன்றி நிறைந்த இதயங்களுடன்… நீங்கள் அனைவரும் இதை சாத்தியம் ஆக்கியுள்ளீர்கள் என்பதை இப்போதும் நினைவில் கொள்கிறேன். 'ஹனுமான்' என் வாழ்நாளின் இனிப்பான நினைவுகளில் இருப்பார். உங்கள் பக்கத்து வீட்டு சூப்பர் ஹீரோ,” எனக் குறிப்பிட்டுள்ளார்.

படத்தின் இயக்குனர் பிரசாந்த் வர்மா, “இந்த அற்புதமான பயணத்தின் ஒரு பகுதியாக இருந்த அனைவருக்கும் எனது இதயம் மிகுந்த நன்றியுணர்வுடன் நிறைந்துள்ளது. 'ஹனமான்' 100 நாட்களைத் திரையரங்குகளில் கொண்டாடுவது நான் வாழ்நாள் முழுவதும் கொண்டாடும் தருணம். சமீப வருடங்களில் 100 நாட்களுக்கு படங்கள் ஓடுவது மிகவும் அரிதாகிவிட்ட நிலையில் 'ஹனுமான்' படத்தை 100 நாட்கள் என்ற மைல்கல்லை வழங்கிய அனைத்து பார்வையாளர்களுக்கும் நன்றி. எப்போதும் அமோக ஆதரவளிக்கும் ஊடக நண்பர்களுக்கும் எனது ஒட்டு மொத்த குழுவிற்கும் மிக்க நன்றி,” எனக் குறிப்பிட்டுள்ளார்.

• 
  ரசிகருக்கு ரூ 22,000 மதிப்பிலான ஷூ பரிசளித்த ஜான் ஆபிரகாம்
• 
  போஜ்புரி நடிகை தற்கொலை : இறப்புக்கு முன் வெளியிட்ட பதிவு
• 
  துருவா சார்ஜா வீட்டு விழாவில் குடும்பத்துடன் பங்கேற்ற சஞ்சய் தத்
• 
  மகளுடன் இணைந்து நடிக்கும் ஷாரூக்கான்
• 
  மேக்-அப் அறையில் அடைத்து சித்ரவதை : டிவி நடிகை பரபரப்பு புகார்

• 
  ப்ளடி பெக்கராக மாறிய கவின்
• 
  மகள் திருமணம் : ஆனந்த கண்ணீரில் ஜெயராம்
• 
  இது தந்தை பாசம் : யுவனுக்கு ஊட்டிவிடும் இளையராஜா
• 
  தேர்தலில் ஓட்டுபோடாதது ஏன்...? - ஜோதிகா விளக்கம்
• 
  அம்மாவுக்காக தான் சொன்னேன் - அதிதி