போஜ்புரி நடிகை தற்கொலை : இறப்புக்கு முன் வெளியிட்ட பதிவு | செப்டம்பர் 27ல் திரைக்கு வரும் அமரன் | புத்திகெட்டு திரிந்தால்தான் புத்தி வரும் : செல்வராகவன் | தக்லைப் படத்தில் இணைந்த இரண்டு பாலிவுட் நடிகர்கள் | இளையராஜா பற்றி இனி பேசினால் நடப்பதே வேறு : வைரமுத்துவை எச்சரித்த கங்கை அமரன் | ஆன்மிகப் பயணத்தால் மாறிய வாழ்க்கை : ரம்யா பாண்டியன் வெளியிட்ட பதிவு | அஜித் படத்தில் இணையும் இளம் நடிகை | மே 17ல் ரிலீஸ் ஆகும் எலக்சன் படம் | ஆளைக் கொல்லும் நடிப்பு : பஹத் பாசிலுக்கு நயன்தாரா பாராட்டு | துருவா சார்ஜா வீட்டு விழாவில் குடும்பத்துடன் பங்கேற்ற சஞ்சய் தத் |
இந்தியத் திரையுலகின் முக்கியமான இசையமைப்பாளர்களில் ஒருவர் இளையராஜா. கடந்த 45 வருடங்களுக்கும் மேலாக ஆயிரம் படங்களுக்கு மேல் இசையமைத்து ஆயிரக்கணக்கான சூப்பர் ஹிட் பாடல்களை பல மொழிகளில் கொடுத்துள்ளார்.
இன்றைக்கும் அவரது பாடல்கள் பலருக்கும் மன அமைதியைக் கொடுத்து வருகிறது என்றால் அது மிகையில்லை. தற்போதும் பிஸியாக இசையமைத்துக் கொண்டிருக்கும் இளையராஜா சில வருடங்களுக்கு முன்பு தன்னுடைய படங்களின் பாடல்களை யூடியூப் தளத்தில் பதிவேற்ற ஆரம்பித்தார்.
பேஸ்புக் சமூக தளத்தில் 29 லட்சம் பாலோயர்களுடன் ஆக்டிவ்வாக இருப்பவர் இளையராஜா. டுவிட்டர் தளத்தில் 2015ம் ஆண்டிலேயே கணக்கை ஆரம்பித்துள்ளார். ஆனால், அதில் இதுவரை எந்தப் பதிவையும் அவர் பதிவிட்ட வரலாறு இல்லை.
முதல் முறையாக இரு தினங்களுக்கு முன்பு அமெரிக்கா, நியூயார்க், டைம் ஸ்கொயர் பில்போர்ட்டில் 'இசையின் ராஜா' என அவரைப் பற்றி பதிவிடப்பட்டதைப் பதிவிட்டுள்ளார். இதுதான் இளையராஜாவின் அதிகாரப்பூர்வ டுவிட்டர் கணக்கு என அவரது ரசிகர்கள் ஷேர் செய்து வருகிறார்கள்.