Dinamalar

ஜீ தமிழில் விநாயகர் சதுர்த்தி கொண்டாட்டங்கள்

கடவுள் விநாயகரை தங்கள் இல்லத்திற்குள் இனிதே வரவேற்கும் பண்டிகையான விநாயகர் சதுர்த்திக்கு தமிழக மக்களின் இதயத்தில் ஒரு தனி இடம் எப்போதும் உண்டு. குடும்பங்கள் ஒன்று சேரும் இந்த திருநாளான செப்டம்பர் 10 முழுவதும், குடும்பத்தினர் அனைவரும் விரும்பும் வகையிலான பொழுதுபோக்கு நிகழ்ச்சிகளை ஜீ தமிழ் தொலைக்காட்சி ஒளிபரப்பவுள்ளது.

இந்த ஆண்டில் அனைவராலும் பெரிதும் எதிர்பார்க்கப்பட்ட 'தலைவி' திரைப்படத்தின் திறமைமிக்க குழுவினருடன் காலை 8:30 மணிக்கு கொண்டாட்டங்கள் இனிதே துவங்குகின்றன. தொகுப்பாளினி கிகி உரையாடும் இந்த நிகழ்ச்சியில், திரைப்படத்தின் நாயகி கங்கனா ரனாவத், அரவிந்த் சாமி மற்றும் திரைப்படத்தின் இயக்குனர் ஏ.எல்.விஜய் ஆகியோர் பங்கேற்று தங்கள் கருத்துக்களை பகிரவுள்ளனர்.

அடுத்ததாக காலை 9 மணிக்கு, சிபிராஜ், நந்திதா சுவேதா மற்றும் நாசர் நடித்த விறுவிறுப்புகள் நிறைந்த 'கபடதாரி' திரைப்படம் ஒளிபரப்பாகிறது. தனது வழக்கமான பணியால் சோர்ந்து போன போக்குவரத்து காவலரான சக்தியின் வாழ்க்கை, ஒரே குடும்பத்தை சேர்ந்த மூன்று பேரின் இறந்த உடல் மிச்சங்களை எதிர்பாராமல் கண்டறிந்த பின்பு வேறு கோணத்தில் செல்வதே இத்திரைப்படத்தின் சுவாரஸ்யமான கதை. மர்மமான அந்த மரணங்கள் குறித்து கதாநாயகன் துப்பறியும் போது சந்திக்கும் இடையூறுகளும், எதிர்கொள்ளும் மனப்போராட்டங்களின் பயணமே இப்படத்தின் மையக்கருவாகும்.

திரைப்படங்களைத் தொடர்ந்து விவாத நிகழ்ச்சிகளை வழங்கவுள்ள ஜீ தமிழ், தமது நேயர்களுக்கு நண்பகல் 12 மணிக்கு 'தமிழா தமிழா' நிகழ்ச்சியையும், பிற்பகல் 2மணிக்கு 'ஹூ'ஸ் தி ஹீரோ' நிகழ்ச்சியையும் ஒளிபரப்பவுள்ளது. இரண்டு மணிநேர சிறப்பு நிகழ்ச்சியான தமிழா தமிழா ஸ்பெஷலில் பிரபலங்கள் தங்களது குழந்தைகளுடன் பங்கேற்கவுள்ளனர். நகரம் மற்றும் கிராமத்திலிருந்து பங்கேற்கும் போட்டியாளர்கள் களத்தில் மோதவிருக்கும் 'ஹூ'ஸ் தி ஹீரோ'கேளிக்கையான கேம் ஷோவினை ஆர்ஜே விஜய் தொகுத்து வழங்கவுள்ளார்.

விநாயகர் சதுர்த்தி தினத்தை குதூகலத்துடன் நிறைவு செய்யும் விதமாக மாலை 4 மணிக்கு உலகத் தொலைக்காட்சிகளில் முதல் முறையாக ஒளிபரப்பாகவுள்ள வயிறு குலுங்க சிரிக்க வைக்கும் 'கன்னி ராசி' நகைச்சுவை திரைப்படத்தை நேயர்கள் கண்டு மகிழலாம். ஒரு குடும்பம் மொத்தமும் சேர்ந்து தங்கள் குடும்பத்தின் இளைய வாரிசை காதலிக்க சம்மதிக்க வைக்க முயலும் இந்த சுவாரஸ்யமான நகைச்சுவை விருந்தில் விமல், வரலக்ஷ்மி சரத்குமார், பாண்டியராஜன் மற்றும் யோகி பாபு ஆகியோர் நடித்துள்ளனர்.

செப்டம்பர் 10 அன்று 'விநாயகர் சதுர்த்தி'யை ஜீ தமிழ் தொலைக்காட்சியுடன் கொண்டாடி மகிழுங்கள்.

• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை

• 
  சின்னத்திரை காமெடி நடிகை ஷர்மிளா மீது பாஸ்போர்ட் மோசடி வழக்கு பதிவு
• 
  நீரும் நெருப்பும், அந்நியன், பிகில் - ஞாயிறு திரைப்படங்கள்
• 
  அந்தரங்க வீடியோ என வைரல் : ஸ்ருதி நாராயணன் காட்டமான பதில்
• 
  சபாபதி, சந்திரமுகி, கல்கி 2898 ஏடி- ஞாயிறு திரைப்படங்கள்
• 
  வள்ளியின் வேலன் தொடரில் கவர்னர் வேடத்தில் இனியா