Dinamalar

'பீஸ்ட்' வெளியீடு தள்ளிப் போகுமா ?

கொரோனா இரண்டாவது அலைக்குப் பிறகு தமிழ் சினிமாவில் ஒரு சில பெரிய படங்களின் வெளியீடு பெரிதும் எதிர்பார்க்கப்பட்டு வருகிறது. அந்த விதத்தில் ரஜினிகாந்த் நடித்துள்ள 'அண்ணாத்த' படம் தீபாவளி வெளியீடாக நவம்பர் 4ம் தேதி வெளியாகும் என அறிவிக்கப்பட்டுள்ளது.

அஜித் நடித்துள்ள 'வலிமை' படம் 2022 பொங்கலுக்கு வெளியாகும் என அறிவிக்கப்பட்டது. அந்தப் படம் விஜய் நடிக்கும் 'பீஸ்ட்' படத்துடன் போட்டியிடப் போவதாக தெரிகிறது. ஆனால் தற்போதை தகவல்படி 'பீஸ்ட்' படம் அந்த சமயம் வெளியாகாது என்கிறார்கள்.

ஆனால் விஜய், அஜித் ரசிகர்களும் அதற்குள்ளாகவே சண்டை போட்டுக் கொள்ள ஆரம்பித்துவிட்டனர். 'பீஸ்ட்' படத்தின் படப்பிடிப்பு நவம்பர் வரை நடைபெறலாம் என கோலிவுட் வட்டாரத் தகவல்கள் தெரிவிக்கின்றன. அதன்பின் டிசம்பர் மாதத்தில் மட்டும் அதன் இறுதிக்கட்டப் பணிகளை முடிப்பதென்பது மிகவும் சிரமமான விஷயம்.

எனவே, கோடை விடுமுறையில் தான் 'பீஸ்ட்' படம் வெளியாகும் என தகவல்கள் தெரிவிக்கின்றன. விஜய் நடித்த 'ஜில்லா', அஜித் நடித்த 'வீரம்' ஆகிய படங்கள் கடைசியாக 2014 பொங்கலுக்கு வெளியாகி மோதிக் கொண்டன. அதன் பிறகு இருவரது படங்களும் ஒரே நாளில் வெளியாகவில்லை. 8 வருடங்களுக்குப் பிறகு 2022 பொங்கலில் மீண்டும் மோதிக் கொள்ள வாய்ப்புகள் குறைவு என்றே தெரிகிறது.

'பீஸ்ட்' படப்பிடிப்பு முடிந்த பிறகே அப்படத்தின் வெளியீட்டுத் தேதி பற்றி அதிகாரப்பூர்வமாக அறிவிப்பு வெளியாகும் என்கிறார்கள்.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  அவதூறு பரப்பாதீங்க; ரஹ்மான் அற்புதமானவர் - சாய்ரா பானு ஆடியோ வெளியீடு
• 
  சூர்யா 44வது படத்தின் புரமோஷனை தொடங்கிய கார்த்திக் சுப்பராஜ்
• 
  விவசாயிகளுக்கு விருந்து கொடுத்த நடிகர் விஜய்!
• 
  சொர்க்கவாசல் வெளியான பிறகு கைதி-2 கதையை மாற்றுவேன்! -லோகேஷ் கனகராஜ்
• 
  தைரியம் காட்டும் அரசியல்வாதி விஜய்: மடோனா சிறப்பு பேட்டி