Dinamalar

கிளாமர் வேடங்களை தவிர்க்கும் சோனா!

தமிழில், "பத்து பத்து என்ற படத்தில், கவர்ச்சி நடிகையாக அறிமுகமானவர் சோனா. அதன்பிறகு, தயாரிப்பாளர் என்ற  அரிதாரத்தை அவர் பூசிக் கொண்டபோதும், அவர் மீது படிந்திருந்த கவர்ச்சி முத்திரை மறையவில்லை. இந்த நிலையில், "கதயல்லித்து ஜீவிதம் என்றொரு மலையாள படத்தில், சோனாவின் நடிப்புத் திறமைக்கு சவால் விடும்படியாக வேடம் கிடைத்துள்ளது. இதனால், உற்சாகத்தில் இருக்கும் சோனா, "இனி, கவர்ச்சியை வெளிப்படுத்தும் வேடங்களை தவிர்த்து, திறமையை வெளிப்படுத்தும் வேடங்களில் மட்டுமே நடிப்பேன் என்கிறார். தமிழில், அது மாதிரியான வேடங்கள் கிடைக்கவில்லை என்றால், தமிழை ஓரங்கட்டிவிட்டு, மலையாள படங்களில் மட்டுமே நடிக்க முடிவு செய்துள்ளார்.
 

• செய்திகள்
• ஆல்பம்