Dinamalar

தயக்கத்துடன் முத்தக்காட்சியில் நடித்த அகில்

அதிரடி கதைக் களம் கொண்ட படத்தில் நாயகனாக அறிமுகமாகும் அகில் டோலிவுட்டில் அதிரடி நாயகனாக அறியப்படுவார் என தகவல் பரவியது. முதல் படத்திலேயே அதிரடி நாயகனாக மட்டுமல்லாது காதல் நாயகனாகவும் தன்னை முன்னிறுத்த அகில் தீவிர முயற்சிகளில் இறங்கியுள்ளார். இயக்குநர் விவி விநாயக் இயக்கும் இப்படத்தில் அகிலுக்கு ஜோடியாக நடிகை சோனல் நடிக்கின்றார். அகில் சோனல் நடிக்கும் காதல் காட்சியை இன்னும் சுவாரசியமாக்க இயக்குநர் முத்தக் காட்சி வைக்கலாம் என்று கேட்டுக் கொண்டாராம். அகிலும் சோனலும் மறுப்பேதும் சொல்லாமல் முத்தக்காட்சியில் நடித்துள்ளனர். முதன் முறையாக முத்தக் காட்சியில் நடித்ததால் அகில் தயக்கத்துடனே அக்காட்சியில் நடித்ததாக படப்படிப்பு தள தகவல்கள் கூறுகின்றன. மேலும் இக்காட்சி கொண்ட புகைப்படங்கள் விரைவில் வெளிவரவுள்ளதாகவும் படக்குழுவினர் தெரிவித்துள்ளனர். ரசிகர்கள் மத்தியில் எதிர்பார்ப்பை ஏற்படுத்தியுள்ள இப்படம் அக்டோபர் மாதத்தில் திரைக்கு வரவுள்ளதாகக் கூறப்படுகின்றது.

• செய்திகள்
• ஆல்பம்