Dinamalar

பதவி மோகத்திற்காக நடிகர் சங்க தேர்தலில் போட்டியிடவில்லை:விஷால்

எங்களின் கோரிக்கைகளை சரத்குமார் அணி ஏற்றுக் கொண்டால் நடிகர் சங்க தேர்தலில் போட்டியிட மாட்டேன் என நடிகர் விஷால் தெரிவித்துள்ளார். மதுரை விமான நிலையத்தில் செய்தியாளர்களிடம் பேசிய அவர் இவ்வாறு தெரிவித்துள்ளார்.

நடிகர் சங்க விவகாரம் உச்சகட்டத்தை எட்டி உள்ள நிலையில் நாடக நடிகர்களை சந்தித்து ஆதரவு கேட்பதற்காக விஷால் தலையிலான நடிகர்கள் குழு இன்று காலை மதுரை வந்தது. நடிகர்கள் நாசர், பொன்வண்ணன், கார்த்தி, விஷால் ஆகியோர் செய்தியாளர்களிடம் பேசினர். அப்போது, எங்களின் கோரிக்கைகளை சரத்குமார் அணி ஏற்றுக் கொண்டால் நடிகர் சங்க தேர்தலில் போட்டியிட மாட்டேன். பதவி மோகத்திற்காக நடிகர் சங்க தேர்தலில் போட்டியிடவில்லை என விஷால் கூறினார்.

நடிகர் சங்கத்திற்கு தனி கட்டிடம் கட்ட சரத்குமார் தரப்பு ஒப்புக் கொள்ள வேண்டும். அப்படி அவர்கள் ஒப்புக் கொண்டால் இலவசமாக திரைப்படங்களில் நடித்து கட்டிடம் கட்டுவதற்கான நிதியை பெற்றுத் தருகிறோம். சரத்குமார் சொல்வது போல் இதில் அரசியல் பின்னணி எதுவும் கிடையாது என விஷால் அணியினர் தெரிவித்துள்ளனர்.

• செய்திகள்
• ஆல்பம்