Dinamalar

“மம்முட்டி வெறும் ஜூனியர் ஆர்ட்டிஸ்ட் தான்” - புதிய சர்ச்சையை கிளப்பிய ராம்கோபால் வர்மா..!

என்ன பேசுகிறோம் என தெரிந்தே, எகிடு தகிடாக எதையாவது பேசி, வான்ட்டடாக வம்பை விலைகொடுத்து வாங்குவதில் சர்ச்சை நாயகன் இயக்குனர் ராம்கோபால் வர்மாவை அடித்துக்கொள்ள ஆளில்லை. சில மாதங்களுக்கு முன் தெலுங்கு மெகாஸ்டார் சிரஞ்சீவியின் 15௦0வது படத்தை சிரஞ்சீவியே இயக்கினால், அது நிச்சயம் அவரது முந்தைய கண்டுபிடிப்பான பிரஜா ராஜ்ஜியம் கட்சியை விட மோசமாக இருந்துவிடாது என்று நம்பலாம்” என அவரை மோசமாக விமர்சித்தார்.

இப்போது லேட்டஸ்ட்டாக அவரது வாய்க்கு அவலாக சிக்கியிருப்பவர் மலையாள மெகாஸ்டார் மம்முட்டி.. சமீபத்தில் வெளியான 'ஓ காதல் கண்மணி' படத்தை பார்த்துவிட்டு “தனது மகனை பார்த்தாவது மம்முட்டி எப்படி இயல்பாக நடிப்பது என்பதை கற்றுக்கொள்ள வேண்டும்.. இத்தனை வருடங்களாக அவர் செய்யாததை, வந்த சில வருடங்களிலேயே அவரது மகன் துல்கர் சல்மான் செய்துகாட்டி மலையாளிகளை பெருமைப்பட வைத்துவிட்டார்.” என மகனை புகழ்ந்துள்ள அதே நேரத்தில், தந்தையின் நடிப்பை அவமானப்படுத்தும் விதமாக டுவீட் போட்டுள்ளார்.

அதுமட்டுமா..? “விருது வழங்கும் குழுவில் இருப்பவர்களுக்கு கொஞ்சமாவது அறிவு இருந்தால் மம்முட்டிக்கு கொடுத்த விருதுகளை திரும்ப வாங்கி அவரது மகனுக்கு கொடுக்க வேண்டும்.. துல்கர் சல்மானுடன் கம்பேர் பண்ணும்போது மம்முட்டி வெறும் ஜூனியர் ஆர்டிஸ்ட் தான்” என மேலும் வம்பு வளர்க்க, எரிகிற தீயில் எண்ணெய்யையும் ஊற்றியுள்ளார்.. இப்படி கருத்து சுதந்திரம் என்கிற பெயரில் மற்றவர்களை இழிவுபடுத்தும் போக்கை, நாளுக்கு நாள் அதிகரித்துக்கொண்டே வருகிறார் ராம்கோபால் வர்மா.. இது எங்கே போய் முடியப்போகிறதோ..?

• செய்திகள்