Dinamalar

மகனுக்கு கார்த்திக் செய்த உபதேசம்!

மணிரத்னம் இயக்கிய கடல் படத்தில் அறிமுகமான கெளதம் நடிப்பில் விரைவில் வெளியாக இருக்கும் படம் வை ராஜா வை. இந்த படத்தை தனுஷின் மனைவி ஐஸ்வர்யா இயக்கியிருக்கிறார். ப்ரியா ஆனந்த் நாயகியாக நடித்துள்ள இப்படத்தில் டாப்சி ஒரு முக்கிய ரோலில் நடித்திருக்கிறார். அதோடு, படத்தின் வியாபாரம் கருதி தனுசும் நட்புக்காக ஒரு வேடத்தில் நடித்திருக்கிறார்.

இந்த படத்தை அடுத்து கெளதமை வைத்து படம் இயக்குவதற்கு கதை சொல்லி வைத்திருந்த சில இயக்குனர்கள் அவரது மார்க்கெட் மந்தமாக இருப்பதால் வேறு நடிகர்களை தேடிச்சென்று விட்டனர். ஆனபோதும், தற்போது இந்திரஜித், ரங்கூன் ஆகிய படஙகளை கைவசம் வைத்திருககிறார் கெளதம்.

இந்த நிலையில், மகனுக்கு அவ்வப்போது நடிப்பு பற்றிய ஆலோசனைகளை சொல்லி வரும் கார்த்திக, படப்பிடிப்பு தளத்தில் நடிகைகளுடன் ஓவராக கடலை போடக்கூடாது என்று உபதேசம் செய்திருக்கிறாராம். காரணம், தான் நடிக்கும் படங்களில் உள்ள நடிகைகளுடன் அதிகமாக நட்பு வளர்க்கும் கெளதம், படப்பிடிப்பு தளத்தில் ரிகர்சல் போன்ற விசயங்களை மறந்து விட்டு, அவர்களுடன் ஜாலி அரட்டையடிப்பதறகு முக்கியத்துவம் கொடுக்கிறாராம்.

அதையும் தாண்டி வீட்டிற்கு சென்றபிறகும் எந்த நேரமும் போனும், கையுமாகவே காட்சி கொடுக்கிறாராம். இதை ஆரம்பத்தில் கண்டும் காணாததும் போல் இருந்த வந்த கார்ததிக், இப்போது இதுபோன்ற விசயங்கள் வளர்சசிக்கு தடையாக இருககும் என்று மகனுக்கு பக்குவமாக எடுத்துரைத்திருக்கிறாராம். கூடவே அவர் நடிக்கும் ஸ்பாட்டுகளுக்கும் அவ்வப்போது விசிட் அடித்து மகனை நோட்டமிடுகிறாராம் கார்த்திக்.

• செய்திகள்