Dinamalar

சூர்யாவுக்கு வைத்திருந்த 'இரும்புக் கை மாயாவி', கை மாறிவிட்டதா ?

2026 பொங்கலை முன்னிட்டு எண்ணற்ற படங்களின் அப்டேட்டுகள் வெளிவந்தன. சில புதிய படங்களின் அறிவிப்புகளும் வந்தன. அந்த விதத்தில் பலரையும் ஆச்சரியப்படுத்திய ஒரு அறிவிப்பு அல்லு அர்ஜுன், லோகேஷ் கனகராஜின் கூட்டணி.

'கூலி' படத்திற்குப் பிறகு 'கைதி 2, ரோலக்ஸ், லியோ 2, விக்ரம் 2, இரும்புக் கை மாயாவி' என எந்தப் படத்தை லோகேஷ் ஆரம்பிப்பார் என்று கேள்வி எழுந்தது. அதோடு ரஜினிகாந்த் - கமல்ஹாசன் இணைந்து நடிக்கும் படத்தை அவர்தான் இயக்கப் போகிறார் என்றும் சொன்னார்கள். ஆனால், அவை எதுவுமே நடக்கவில்லை.

அல்லு அர்ஜுன் நடிக்க உள்ள 23வது படத்தை லோகேஷ் கனகராஜ் இயக்கப் போகிறார் என்ற அறிவிப்பு வெளிவந்தது. மீண்டும் தமிழ் இயக்குனருடன் அல்லு அர்ஜுன் படமா என தெலுங்கு இயக்குனர்களும் அதிர்ச்சியடைந்தார்கள்.

இதற்கு முன்பு சில பேட்டிகளில் லோகேஷ் கனகராஜ் பேசுகையில், சூர்யா நடிக்க 'இரும்புக் கை மாயாவி' கதையை படமாக எடுக்க உள்ளேன் என்று சொல்லியிருந்தார். அந்தக் கதையைத்தான் தற்போது அல்லு அர்ஜுனுக்கு மாற்றிவிட்டாரா என சூர்யா ரசிகர்களுக்கு கேள்வி எழுந்துள்ளது. கடந்த சில நாட்களாக இது குறித்த சந்தேகங்களை அவர்கள் எழுப்பி வருகிறார்கள்.

'இரும்புக் கை மாயாவி' என்பது 80களில் வெளிவந்த, காமிக்ஸ் கதைகள் என்று சொல்லப்படும், சித்திரக் கதை கதாபாத்திரங்களில் அதிகம் ரசிக்கப்பட்ட ஒரு கதாபாத்திரம். தெலுங்கில் 'உக்குபுடி மாயாவி', மலையாளத்தில் 'உருக்கை மாயாவி' என்று கூட அந்த புத்தகங்கள் வெளிவந்துள்ளன.

60களில் பிரிட்டிஷ் காமிக் உலகில் 'தி ஸ்டீல் கிளா' என்ற பெயரில் வெளிவந்த காமிக்ஸ் புத்தகங்களின் தமிழாக்கம் தான் 'இரும்புக் கை மாயாவி' கதைகள்.

'இரும்புக் கை மாயாவி'யை சூர்யாவிடமிருந்து அல்லு அர்ஜுனுக்கு லோகேஷ் 'கை' மாற்றியது உண்மைதானா என்பதன் மாயம், மர்மம் விரைவில் வெளிவரலாம்.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்

• 
  ரங்தே பசந்தி 20ம் வருட நிறைவு : படக்குழுவினருடன் சேர்ந்து கொண்டாடிய ...
• 
  துரந்தர் 2 படத்தில் சிறப்பு தோற்றத்தில் நடித்த விக்கி கவுசல், யாமி கவுதம்
• 
  கணவர் அபிஷேக் பச்சனுக்கு பிறந்தநாள் வாழ்த்து சொன்ன ஐஸ்வர்யா ராய்
• 
  ஆன்லைன் விளையாட்டு மோகத்தால் மூன்று இளம் பெண்கள் தற்கொலை ; சோனு சூட் ...
• 
  அனிமல் 2ம் பாகத்திற்கு அனிமல் பார்க் டைட்டில் ஏன் ? ; சந்தீப் ரெட்டி வங்கா ...

• 
  2046ல் என்ன நடக்கும் ? ரஜிஷா விஜயனின் புதிய படம் பதில் சொல்லும்
• 
  ஆல்பம் பாடலில் அதிர வைக்கும் அழகுடன் மஞ்சு வாரியர்
• 
  ‛திரிஷ்யம் 3' கிளைமாக்ஸ் ஷாக்கிங் ஆக இருக்கும் : நடிகை ஆஷா சரத்
• 
  சம்பளத்துக்கு பதிலாக ஷேர் வாங்கும் அல்லு அர்ஜுன்!
• 
  மீண்டும் ஜிம்மில் ஒர்க்அவுட் செய்யும் வீடியோவை வெளியிட்ட திரிஷா!