Dinamalar

தமிழ் மார்க்கெட்டை பிடிக்கும் மலையாள படங்கள்

முன்பெல்லாம் மலையாள சினிமாக்களுக்கு தமிழில் மார்க்கெட் அதிகம் கிடையாது. மலையாள படங்கள் தமிழில் டப் ஆகாது. சென்னை, கோவையில் சில தியேட்டர்களில் ரிலீஸ் ஆகும். ஆனால், மஞ்சும்மல் பாய்ஸ், பிரேமலு போன்ற படங்களின் வெற்றி காரணமாக, கொரோனா காலத்துக்குபின் மலையாள சினிமாக்கள் ஓடிடி மூலம் பிரபலம் ஆனதன் காரணமாக நிலவரம் மாறிவிட்டது.

பல மலையாள படங்கள் தமிழில் டப்பிங் ஆகி வெளியிடப்படுகின்றன. சில சமயம் நேரடி மலையாள படங்களும் தமிழகத்தில் நிறைய தியேட்டர்களில் வருகின்றன. தமிழகத்தில் தனி வினியோகஸ்தர், ஏகப்பட்ட தியேட்டர் என மலையாள சினிமாவுக்கு தனி மார்க்கெட் உருவாகி விட்டது. அதனால், பல தமிழ் கலைஞர்களை பிஸினசை கருத்தில் கொண்டு மலையாள படங்களில் நடிக்க வைக்கிறார்கள். தமிழில் டப்பான பல மலையாள படங்களுக்கு டப்பிங் டைரக்டர் ஆக இருந்தவர் ஆர்.பி.பாலா. இவர் 20 ஆண்டுகளுக்கு மேலாக டப்பிங் இயக்குநர் மற்றும் தமிழ் வசன எழுத்தாளர் ஆக 100க்கும் அதிகமான படங்களில் பணியாற்றியுள்ளார்.

சமீபகாலங்களில் வெளியான பரோஸ், ஜன கண மன, நேர், ஆடுஜீவிதம், மஞ்சும்மல் பாய்ஸ், வாழ, லூசிபர் 2 : எம்புரான், தொடரும், நரிவேட்டா மற்றும் சமீபத்தில் வெற்றிகரமாக ஓடிக்கொண்டிருக்கும் கல்யாணி பிரியதர்சனின் லோகா படங்களுக்கும் ஆர்.பி.பாலாதான் டப்பிங் டைரக்டராக இருந்து தமிழ்ப்படுத்தி இருக்கிறார். இப்போது சென்னையிலும் கூட பல மலையாள படங்களின் டப்பிங் நடக்கிறது. முன்னணி மலையாள நடிகர்கள் இங்கே வந்து தமிழ் பேசிவிட்டு போகிறார்கள். கடந்த சில ஆண்டுகளில் புலிமுருகன், ஆர்டிஎக்ஸ், திரிஷ்யம், 2018, மாளிகை புரம், ஆவேசம், உள்ளொழுக்கு, குருவாயூர் அம்பலநடையில், நுணக்குழி, கிஷ்கிந்தா காண்டம் போன்ற பல மலையாள படங்கள் தமிழ் ரசிகர்களால் விரும்பி பார்க்கப்பட்டுள்ளன.

• 
  வட அமெரிக்காவில் கல்கி 2898 ஏடி படத்தின் வசூல் சாதனையை முறியடித்த துரந்தர் 2
• 
  'காந்தாரா' அவதூறு : சாமுண்டி கோவிலுக்கு சென்று மன்னிப்பு கேட்க ரன்வீர் ...
• 
  துரந்தர் காட்சி : மன்னிப்பு கேட்ட மாதவன்
• 
  சமூக வலைத்தளங்களில் வைரலாகும் கியாரா அத்வானி
• 
  சாய்பல்லவி நடித்த முதல் ஹிந்தி பாடலுக்கு வரவேற்பு

• 
  பவழ மல்லி Vs முட்டை கலக்கி - 'யூத்'களுக்குள் கடும் போட்டி
• 
  தோழிகளுடன் பால் விளையாடி கையை முறித்துக் கொண்ட யாஷிகா
• 
  பேஷஸ் ஆப் கர- தனுஷின் கர படத்தின் முன்னோட்ட வீடியோ வெளியீடு
• 
  அண்ணன் வாரிசுகளின் பட பூஜைக்கு வந்து வாழ்த்திய பவன் கல்யாண்
• 
  முன்னணி இயக்குனர்களின் வாட்ஸ் ஆப் குழு ‛ரெய்னா' : அர்த்தம் தெரியுமா?