Dinamalar

'டியூட்' தீபாவளி ரிலீஸ் என மீண்டும் அறிவிப்பு : ஆக., 28ல் முதல் பாடல்

தமிழ் சினிமாவில் ஒரே நாளில் ஒரே ஹீரோவின் இரண்டு படங்கள் வெளியாகக் கூடாது என்ற நடைமுறை பல ஆண்டுகளாக பின்பற்றப்பட்டு வருகிறது. இந்நிலையில் பிரதீப் ரங்கநாதன் நடித்துள்ள 'லவ் இன்சூரன்ஸ் கம்பெனி, டியுட்' ஆகிய படங்கள் தீபாவளியை முன்னிட்டு வெளியாக உள்ளதாக இரண்டு படத் தயாரிப்பாளர்களும் அறிவித்துள்ளார்கள்.

'லவ் இன்சூரன்ஸ் கம்பெனி' படம் அக்டோபர் 17ம் தேதி வெளியாகும் என்று நேற்று அறிவித்தார்கள். 'டியூட்' படம் தீபாவளிக்கு வெளியாகும் என்று ஏற்கெனவே அறிவித்திருந்தார்கள். தெலுங்கு சினிமாவில் ஸ்டிரைக் நடந்ததால் 'டியூட்' பட வேலைகள் முடியவில்லை. எனவே, அப்படம் தள்ளிப் போகும் என்று எதிர்பார்க்கப்பட்டது.

இந்நிலையில் சற்று முன்னர் அப்படம் தீபாவளிக்கு வெளியாகும் என்று மீண்டும் அறிவிப்பை வெளியிட்டுள்ளார்கள். இன்று மாலை அப்டேட் வெளியிட உள்ளதாகவும் அறிவித்தனர். அதன்படி படத்தின் முதல்பாடலை வரும் ஆக., 28ல் வெளியிடுவதாக குறிப்பிட்டுள்ளனர். ஊரும் பிளட் என்ற பெயரில் முதல் பாடல் வெளியாகிறது. இந்த படத்திற்கு சாய் அபயங்கர் இசையைமக்கிறார்.

தீபாவளிக்கு பிரதீப் ரங்கநாதனின் இரண்டு படங்களான 'லவ் இன்சூரன்ஸ் கம்பெனி, டியூட்' ஆகியவை ஏட்டிக்குப் போட்டியாக வெளியாக உள்ளன.

• 
  300 கோடி வசூல் கடந்தும் நஷ்டத்தை சந்திக்கும் 'வார் 2'
• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'
• 
  சர்ச்சில் ரொமான்ஸ்: ஜான்வி கபூர் படத்திற்கு எதிர்ப்பு

• 
  இந்த நடிகை என்னுடன் நடிப்பதற்காக பூஜை, பிரார்த்தனை செய்தேன் : அனுபமா ...
• 
  விஜய் பேச மாட்டார்... அஜித் பேசவே மாட்டார் : ஏ.ஆர் முருகதாஸ்
• 
  கைதி 2 படத்திற்கான கால்ஷீட்டை சுந்தர்.சிக்கு கொடுத்த கார்த்தி
• 
  அட்ரஸ் இல்லாத லெட்டருருக்கு நான் ஏன் பதில் போடனும்? விஜய்யின் பேச்சுக்கு ...
• 
  கார்த்தியின் படத்தில் வில்லனாக நடிக்கும் ஆதி