பிளாஷ்பேக்: வில்லனை ஆதரித்த கமல்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

பிளாஷ்பேக்: வில்லனை ஆதரித்த கமல்

29 ஜூலை, 2025 - 11:56 IST

எழுத்தின் அளவு:

பொதுவாக முன்னணி நடிகர்கள் தங்கள் படத்தில் நடிக்கும் வில்லன்கள் எந்த விதத்திலும் தங்களை விட பெயர் பெற்று விடக்கூடாது, கைதட்டல் வாங்கி விடக்கூடாது என்று நினைப்பார்கள். ஆனால் 'காக்கி சட்டை' படத்தில் நாயகன் கமலுக்கு நிகராக சத்யராஜின் வில்லத்தனம் பேசப்பட்டதிலும் புகழ்பெற்ற 'தகடு தகடு' வசனம் பெயர் பெற்றதிலும் கமலுக்கு மிக முக்கிய பங்குண்டு.

'காக்கி சட்டை' படத்தின் படப்பிடிப்பு அண்ணா சாலை எக்ஸ்பிரஸ் மைதானத்தில் நடந்து கொண்டிருந்தது. இடி மின்னலுடன் மழை பெய்து கொண்டிருந்தது. வில்லன் சத்யராஜ் இறந்த போன பெண்ணின் உடலை வைத்துக் கொண்டு மற்ற அடிபொடிகளிடம் 'பாடி இங்க இருக்கு தகடு எங்க இருக்கு?' என்று கேட்கிறார். அப்போது துணை நடிகருக்கு இடி சத்தம் காரணமா அவர் சொன்னது காதில் விழவில்லை. 'என்ன' என்று திரும்ப கேட்கிறார். சத்யராஜ் 'தகடு தகடு...' என்று வேறொரு மாடுலேசனில் சொல்கிறார். இது வசனத்தில் எழுதப்படவில்லை.

அப்படி அவர் வேறொரு மாடுலேசனில் சொன்னது கமலுக்கு பிடித்து விட்டது. ஆனால் இயக்குனர்கள் உள்ளிட்ட பலருக்கு பிடிக்கவில்லை. ஸ்கிரிப்டில் உள்ள படி இருக்கட்டும் ரீடேக் போகலாம் என்றார்கள். என்றாலும் கமல் 'வேண்டாம் இதுவே இருக்கட்டும். இந்த வசனத்தை முடிந்த அளவிற்கு மற்ற இடங்களிலும் பயன்படுத்துங்கள் அது படத்திற்கு பலமாக இருக்கும்' என்றார்.

அப்படியே செய்யப்பட்டது, படத்தின் வெளியீட்டுக்கு பிறகு சத்யராஜ் கேரக்டர் பேசப்பட்ட அளவிற்கு தகடு தகடு வசனமும் பேசப்பட்டது. இந்த இரண்டு வார்த்தை வசனம் சத்யராஜின் சினிமா கேரியரை திருப்பி போட்டது வரலாறு.

Flashback

Sathyaraj

Kamalhaasan

பிளாஷ்பேக்

கருத்துகள் (0) கருத்தைப் பதிவு செய்ய

பிறந்தநாளில் ரசிகர்கள் ஆசையை ...

ரத்து செய்யப்பட்ட இசை நிகழ்ச்சியை ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய